Viral Video: सोशल मीडियावर नेहमीच विविध व्हिडीओ व्हायरल होताना आपण पाहतो. अनेक जण नवनवीन रील्स व्हिडीओ बनवण्यासाठी कधी काय करतील हेदेखील सांगता येत नाही. काही लाइक्स आणि व्ह्युज मिळाव्या यासाठी लोक आपला जीव धोक्यात घालायलादेखील मागे पुढे पाहत नाहीत. असे अनेक प्रकारचे व्हिडीओ आपण आजपर्यंत सोशल मीडियावर पाहिलेच असतील. सध्या असाच एक व्हिडीओ मोठ्या प्रमाणात व्हायरल होतोय, जो पाहून नेटकरी संताप व्यक्त करताना दिसत आहेत.
सध्या अनेक ठिकाणी मुसळधार पाऊस पडत असून या दिवसात निसर्गाचे सौंदर्य पाहण्यासाठी लोक आवर्जून फिरायला जात आहेत. कधी धबधब्यावर तर कधी नदीच्या किनाऱ्यावर जाऊन रील्स बनवतात. पावसाळ्यात या ठिकाणी पाण्याचा प्रवाह भरपूर असतो, तरीही लोक स्वतःच्या जीवाची पर्वा न करता रील्स बनवतात. सध्या एक व्हिडीओ खूप व्हायरल होतोय, ज्यामध्ये एक तरुणी डोंगरातील उतार भागात रील बनवण्यासाठी गेल्याचे दिसत आहे. पण, पुढे अचानक असं काहीतरी होतं, जे पाहून तुम्हालाही धक्का बसेल.
या व्हायरल व्हिडीओमध्ये तुम्ही पाहू शकता, डोंगराळ भागात एक तरुणी रील बनवण्यासाठी जाते. यावेळी पळत पळत उंचवट्यावरून खाली दरीत जाते, त्यानंतर पुढे जाऊन मागे वळून पाहते आणि म्हणते, “हे आहे माझं गाव, माझ्या गावावर माझं खूप प्रेम आहे.” अशा धोक्याच्या ठिकाणी रील बनवणं जीवावर बेतू शकतं. तरुणीचा हा जीवघेणा स्टंट सध्या सोशल मीडियावर खूप व्हायरल होत आहे.
हा व्हिडीओ इन्स्टाग्रामवरील @mr.barwanii या अकाउंटवर शेअर करण्यात आला असून या व्हिडीओला आतापर्यंत १० मिलियनहून अधिक व्ह्युज मिळाल्या असून हजारो लाइक्स मिळाल्या आहेत. तसेच अनेक जण यावर कमेंट्स करतानाही दिसत आहेत.
पाहा व्हिडीओ:
एका युजरने या व्हिडीओवर लिहिलेय, “गेली असती तर बरं झालं असतं”, तर दुसऱ्या युजरने लिहिलंय की, “मूर्ख बाई”, तिसऱ्या युजरने लिहिलेय, “जीव गेल्यावर कळलं असतं”, तर आणखी एकाने लिहिलंय की, “अंगात मस्ती”, तर आणखी एकाने लिहिलंय की, “लांबून दाखवं ना तुझं गाव.”
