Viral Video: आजच्या डिजिटल युगात सोशल मीडिया अनेकांसाठी घरबसल्या कमाईचे प्रभावी माध्यम बनले आहे. विशेषतः गृहिणी महिला आपल्या डान्स व्हिडिओ, कुकिंग, ब्युटी टिप्स, व्लॉग्स किंवा इतर कौशल्यांचे व्हिडिओ सोशल मीडियासारख्या प्लॅटफॉर्मवर शेअर करून स्वतःची ओळख निर्माण करत आहेत. फॉलोअर्स वाढल्यानंतर ब्रँड प्रमोशन, पेड कोलॅबोरेशन, जाहिराती आणि कंटेंट मोनेटायझेशनच्या माध्यमातून उत्पन्न मिळवण्याच्या संधी उपलब्ध होतात. सातत्यपूर्ण, दर्जेदार आणि सर्जनशील कंटेंट तयार केल्यास सोशल मीडिया हा केवळ मनोरंजनाचे साधन न राहता घरबसल्या आर्थिक उत्पन्नाचे प्रभावी माध्यमही ठरू शकतो.
आजकाल अनेक गृहिणी सोशल मीडियाच्या माध्यमातून आपल्या नृत्यकलेला नवी ओळख देत आहेत. घरातील जबाबदाऱ्या सांभाळत त्या मोकळ्या वेळेत विविध गाण्यांवर डान्स व्हिडिओ तयार करून Instagram Reels, YouTube Shorts आणि Facebook वर शेअर करतात. त्यांच्या आत्मविश्वासपूर्ण सादरीकरणाला लाखो प्रेक्षकांची पसंती मिळत असून अनेक गृहिणींनी याच माध्यमातून स्वतःची वेगळी ओळख निर्माण केली आहे. अशा व्हिडिओंमुळे मनोरंजनासोबतच महिलांना स्वतःचा छंद जोपासण्याची, आत्मविश्वास वाढवण्याची आणि इतरांनाही आपल्या आवडीच्या गोष्टी करण्यासाठी प्रेरित करण्याची संधी मिळत आहे.
कोळी गाणी ही महाराष्ट्राच्या समृद्ध लोकसंगीत परंपरेचा एक महत्त्वाचा भाग असून विशेषतः समुद्रकिनारी राहणाऱ्या कोळी समाजाच्या जीवनाशी त्यांचा जवळचा संबंध आहे. मासेमारी, समुद्र, होड्या, नारळी पौर्णिमा, सण-उत्सव, प्रेम, निसर्ग आणि दैनंदिन जीवनातील विविध प्रसंग या गाण्यांमधून रंगतदारपणे मांडले जातात. ढोलकी, ताशा, टाळ, झांज यांसारख्या पारंपरिक वाद्यांच्या साथीने सादर होणाऱ्या कोळी गीतांमध्ये उत्साह आणि जल्लोषाची खास झलक पाहायला मिळते. ‘मी डोलकर डोलकर दर्याचा राजा’, ‘आला रे आला कोळी आला’ यांसारख्या गीतांनी महाराष्ट्रात विशेष लोकप्रियता मिळवली आहे. लग्नसमारंभ, सांस्कृतिक कार्यक्रम, गणेशोत्सव आणि विविध लोककला महोत्सवांमध्ये आजही कोळी गाणी आवडीने सादर केली जातात. विशेष म्हणजे सोशल मीडियामुळे या लोकगीतांना नव्या पिढीपर्यंत पोहोचण्याची मोठी संधी मिळाली असून पारंपरिक कोळी गाण्यांवर तरुणाईकडून डान्स आणि रील्सही मोठ्या प्रमाणात तयार केल्या जात आहेत. त्यामुळे कोळी संगीताची पारंपरिक ओळख कायम ठेवत त्याला आधुनिक मनोरंजनाची नवी जोड मिळताना दिसत आहे.
सध्या काही महिला ‘दर्या किनारी एक बंगलो’ या गाण्यावर नाचत आहेत. यावेळी त्यांनी पारंपारिक कोळी पद्धतीची वेशभूषा देखील केलेली दिसत आहे. त्यांचा हा डान्स सध्या सोशल मीडियावर प्रचंड व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @divyakoli927 या अकाउंटवर शेअर करण्यात आला असून यावर अनेक व्ह्युज मिळाल्या असून यावर लाखो लाइक्स मिळाल्या आहेत. तसेच यावर अनेक युजर्स कमेंट्स करताना दिसत आहेत. एकाने लिहिलंय की, “एकच नंबर डान्स ताई”, तर आणखी एकाने लिहिलंय की, “व्वा काय भारी नाचला…”, तर आणखी एका महिलेने लिहिलंय की, “क्या बात है काकू”
