Viral Video: सोशल मीडियावर व्हायरल होणाऱ्या तुर्की आईस्क्रीम विक्रेत्यांच्या ट्रिक आपण अनेकदा पाहिल्या असतील. काही वेळा तर त्यांचा हा खेळ पाहून चिडलेल्या ग्राहकांचा संतापही आपण पाहिला असेल. ग्राहकाच्या हातात आईस्क्रीम देतानाच अचानक कोन फिरवून केले जाणारे खेळ पाहताना गंमत वाटते खरी पण एका पॉइंटला आपण आईस्क्रीम कसं पकडू शकत नाही हे पाहून चिडचिड होते. यावेळेस मात्र जरा हटकेच व्हिडीओ व्हायरल होत आहे. लोकांना छळणाऱ्या आईस्क्रीम विक्रेत्याला महिलेने आपल्याच खेळात हरवून सर्वांचे लक्ष वेधून घेतले आहे. तुर्की आईस्क्रीम विक्रेत्यासमोर महिलेने असं नेमकं काय केलं चला पाहुयात.. व्हिडिओमध्ये, आपण पाहू शकता की तुर्की आईस्क्रीम विक्रेता महिलेसोबत नेहमीप्रमाणे खेळताना दिसत आहे. पण शेवटी ती स्त्री आहे, आणि स्त्री काहीही करू शकते! तुर्की आईस्क्रीम विक्रेत्याचा खेळ पाहून तिने आधी समोर धरलेल्या पाठीवरून आईस्क्रीमचा एक स्कुप काढला आणि मग नंतर एक कोन उचलला एकीकडे तो विक्रेता आपल्या खेळात गुंतला असताना महिलेने चक्क स्वतःला वेगळंच आईस्क्रीम बनवून घेतला. महिलेचा वेग व हुशारी पाहून अनेकांनी तिचे कौतुक केले आहे. Video: रावण दहनात आला भन्नाट ट्विस्ट; रामलीला सुरु असताना रावणाने बंदूक काढली अन… हा व्हिडिओ @moistnlover आणि @theloversayings यांनी Instagram वर शेअर केला होता. व्हिडिओमध्ये दिसणाऱ्या महिलेच्या मुलीने आईचा हा भन्नाट व्हिडीओ रेकॉर्ड केला होता. या व्हिडिओला १ कोटी ९ लाखाहून अधिक व्ह्यूज आणि २१ लाख लाईक्स आहेत. अनेकांनी व्हिडीओवर कमेंट करून हेच बघायची माझी इच्छा होती असं म्हंटलं आहे तर काहींनी याला म्हणतात जशास तसे असे म्हणत महिलेचे कौतुक केले आहे.