Viral Video: आजच्या सोशल मीडियाच्या युगात डान्सचे व्हिडीओ प्रचंड वेगाने व्हायरल होत आहेत. एखाद्या गाण्यावर केलेली भन्नाट स्टेप, आकर्षक एक्सप्रेशन्स किंवा अनोख्या ठिकाणी सादर केलेला डान्स काही क्षणांत लाखो लोकांपर्यंत पोहोचतो. लहान मुलांपासून ते तरुण आणि ज्येष्ठांपर्यंत सर्वजण आपल्या नृत्यकलेचे व्हिडीओ शेअर करताना दिसतात. अशा व्हायरल डान्स व्हिडीओंमुळे अनेकांना लोकप्रियता मिळत असून काही जणांना मनोरंजन क्षेत्रात संधीही मिळत आहे. त्यामुळे डान्स हा केवळ छंद न राहता स्वतःची कला जगासमोर मांडण्याचे प्रभावी माध्यम बनला आहे.
हल्लीच्या काळात लहान मुलांमध्ये डान्सची आवड मोठ्या प्रमाणात वाढताना दिसत आहे. टीव्हीवरील डान्स रिअॅलिटी शो, सोशल मीडिया आणि लोकप्रिय गाण्यांमुळे मुले अगदी लहान वयातच नृत्याकडे आकर्षित होत आहेत. शाळेतील सांस्कृतिक कार्यक्रम, वाढदिवस किंवा कौटुंबिक समारंभातही ते आत्मविश्वासाने नृत्य सादर करताना दिसतात. अनेक पालक मुलांना डान्स क्लासमध्येही दाखल करत आहेत, ज्यामुळे त्यांच्या कलागुणांना योग्य दिशा मिळते. डान्समुळे मुलांचा आत्मविश्वास वाढण्यासोबतच शारीरिक तंदुरुस्ती, लयबद्धता आणि सर्जनशीलताही विकसित होण्यास मदत होते.
‘मैया यशोदा’ हे गाणं आजही प्रेक्षकांच्या मनावर अधिराज्य गाजवत आहे. १९९९ मध्ये प्रदर्शित झालेल्या ‘हम साथ साथ हैं’ चित्रपटातील हे गाणे आजही प्रत्येक पिढीला तितकेच आवडते. या गाण्यातील सुंदर संगीत, कृष्ण-यशोदेवरील भावपूर्ण शब्द आणि पारंपरिक नृत्यशैली यामुळे ते आजही लग्नसमारंभ, सांस्कृतिक कार्यक्रम, शाळांच्या स्नेहसंमेलनांपासून ते सोशल मीडियावरील डान्स रील्सपर्यंत मोठ्या प्रमाणात वापरले जाते. अनेक तरुणी या गाण्यावर आकर्षक डान्स सादर करताना दिसतात आणि त्यांचे व्हिडीओही सोशल मीडियावर व्हायरल होत असतात. हे गाणे प्रदर्शित होऊन अनेक वर्षे झाली असली, तरी त्याची लोकप्रियता आजही कायम आहे.
सध्या सोशल मीडियावर दोन लहान शाळकरी मुलांचा एक गोंडस डान्स व्हिडीओ चांगलाच व्हायरल होत आहे. या व्हिडीओमध्ये दोघेही आपल्या शाळेच्या गणवेशात लोकप्रिय ‘मैया यशोदा’ गाण्यावर अतिशय उत्साहाने आणि सुरेख हावभावांसह नृत्य करताना दिसत आहेत. गाण्याच्या प्रत्येक तालावर त्यांनी दिलेल्या अचूक स्टेप्स आणि निरागस चेहऱ्यावरील भाव पाहून नेटकरी त्यांचे भरभरून कौतुक करत आहेत. त्यांच्या या निरागस सादरीकरणाने अनेकांचे लक्ष वेधून घेतले असून हा व्हिडीओ सोशल मीडियावर मोठ्या प्रमाणात शेअर केला जात आहे.
पाहा व्हिडीओ:
हा व्हिडीओ इन्स्टाग्रामवरील @pkuphar01 या अकाउंटवरून शेअर करण्यात आलाय. या व्हिडीओला आतापर्यंत लाखो व्ह्युज अन् हजारो लाइक्स मिळाल्या आहेत. तसेच अनेक युजर्स या व्हिडीओवर कमेंट्सही करताना दिसत आहेत. एका युजरने लिहिलेय, “किती भारी नाचतोय हा” एका युजरने लिहिलेय, “एक नंबर डान्स पोरा” आणखी एका युजरने लिहिलेय, “भावा कमालच केली”
