passenger refuse to pay seller viral video : अनेक विक्रेते विविध पदार्थ प्रवासादरम्यान विकत असतात. काही जण एका ट्रेनमधून उतरून दुसऱ्या ट्रेनमध्ये चढतात. तर अनेक जण स्टेशनवरून ट्रेनच्या खिडकीद्वारे पदार्थ, पेय विकतात. पण, अनेकदा असे घडते की, प्रवासी वस्तू खरेदी करतात आणि मग ट्रेन सुटते. त्यानंतर विक्रेते ट्रेनच्यामागे धावत जाऊन पैसे घेताना दिसतात. आज असाच एक प्रसंग सोशल मीडियावर व्हायरल होतो आहे; यामध्ये एका विक्रेत्याला प्रवाशाने शेवटपर्यंत पैसेच दिले नाहीत.
एका रेल्वे प्लॅटफॉर्मवरील हृदयद्रावक दृश्याने विक्रेत्यांना सामोरे जाव्या लागणाऱ्या कठोर वास्तवाकडे लक्ष वेधले आहे. एका प्रवाशाने विक्रेत्याकडून सामान घेतले. पण, ट्रेन सुटल्यामुळे त्याने वस्तूंचे पैसे देण्यास नकार दिला. पण, पैसे द्या असे सांगत तरुण विक्रेता धावत्या ट्रेनच्या बाजूने धावताना दिसला. ट्रेनचा वेग वाढत असतानाही, आपले पैसे परत मिळतील या आशेने तो विक्रेता अनेक सेकंद ट्रेनचा पाठलाग करत राहिला. पण, त्याचा काहीच उपयोग झाला नाही.
माणुसकी हळूहळू नष्ट होत आहे (viral Video)
कॅमेऱ्यात कैद झालेली ही घटना तेव्हापासून सोशल मीडियावर मोठ्या प्रमाणावर प्रसारित झाली आहे; ज्यामुळे भावनिक प्रतिक्रिया उमटल्या आहेत आणि सहानुभूती, जबाबदारी आणि जगण्यासाठी लहान कमाईवर अवलंबून असलेल्या लोकांच्या दैनंदिन संघर्षांबद्दल चर्चा सुरू झाली आहे. सोशल मीडियावर हा व्हिडीओ @zindagi.gulzar.h या इन्स्टाग्राम अकाउंटवरून शेअर करण्यात आला आहे. एकदा बघाच सोशल मीडियावर व्हायरल होणारा हा व्हिडीओ…
व्हिडीओ नक्की बघा…
नेटकरी व्हिडीओ पाहून भावूक झाले आहेत आणि “तुमच्यासाठी ते फक्त काही रुपये असतील. पण त्याच्यासाठी कुटुंबाचा आधार आहे. कष्टाळू कामगाराकडून पैसे न घेणे गुन्हा आहे. हे अनेक गरीब लोकांचे वास्तव आहे – ते काही पैशांसाठी चालत्या ट्रेनच्या मागे आपला जीव धोक्यात घालतात. माणुसकी हळूहळू नष्ट होत आहे”, “हे खूपच चुकीचे आहे” ; आदी अनेकविध कमेंट्स नेटकरी व्हिडीओखाली करताना दिसत आहेत.
