Viral Video: हल्ली सोशल मीडियामुळे अनेक कलाकार नव्याने घडू लागले आहेत. अगदी लहान मुलांपासून ते वयोवृद्धांपर्यंत अनेक जण रील्सद्वारे आपली कला सादर करताना दिसतात. कधी डान्स तर कधी गाणी, अभिनय अशा विविध गोष्टी हौशी कलाकार शेअर करतात. यातील काहींचे व्हिडीओ इतके व्हायरल होतात की ज्यामुळे त्यातील कलाकारांचं संपूर्ण आयुष्य बदलून जातं. दरम्यान, एका गावातील काही लहान मुलांचा डान्स खूप व्हायरल होतोय, जो पाहून नेटकरीही कौतुक करताना दिसत आहेत.
शहरातील शाळांमध्ये अनेकदा मुला-मुलींच्या डान्सचे किंवा सुंदर अभिनयाचे व्हिडीओ व्हायरल होत असतात. पण, आता सोशल मीडियामुळे गावाकडच्या कलाकारांची कलादेखील जगासमोर येऊ लागली आहे. सध्या असाच एक सुंदर व्हिडीओ खूप व्हायरल होतोय.
या व्हिडीओमध्ये तुम्ही पाहू शकता, शेतामध्ये काही लहान मुली “कहां दिल खो गया”, या गाण्यावर डान्स करताना दिसत आहेत. यावेळी त्यांचा डान्स तर अप्रतिम आहेच, पण त्याहून जास्त त्यांच्या चेहऱ्यावरचे एक्स्प्रेशन्स कमाल आहेत, त्यामुळे नेटकरीही त्यांचे खूप कौतुक करताना दिसत आहेत.
पाहा व्हिडीओ:
हा व्हिडीओ इन्स्टाग्रामवरील @chhoti_bristi5631 या अकाउंटवरून शेअर करण्यात आला आहे. त्यावर आतापर्यंत सात मिलियनहून अधिक व्ह्युज आणि लाखो लाइक्स मिळाल्या आहेत. त्यावर अनेक युजर्स कमेंट्स करीत आहेत.
युजर्सच्या कमेंट्स चर्चेत
एका युजरने कमेंटमध्ये लिहिलेय, “खूप छान.” आणखी एकाने लिहिलेय, “गावाकडचं टॅलेंट.” आणखी एकाने लिहिलेय, “खूप कमाल केली यांनी.”
