Viral Video: समाजमाध्यमांवर लहान मुलांपासून ते मोठ्यांपर्यंत प्रत्येक जण विविध गाण्यांवर डान्स करून आपली कला सादर करतात. हल्ली सोशल मीडियावर जुनी मराठी गाणीदेखील खूप चर्चेत येऊ लागली आहेत, ज्यावर लोक डान्स करताना दिसतात. यातील काही मोजके व्हिडीओ खूप चर्चेतही येतात. आता असाच एक डान्स सोशल मीडियावर खूप व्हायरल होत आहे.
सोशल मीडियावर कधी कुठलं गाणं मोठ्या प्रमाणात चर्चेत येईल, हे सांगता येत नाही. या चर्चेत असलेल्या गाण्यांवर प्रत्येक वयोगटातील लोक, मोठमोठे कलाकारही ठेका धरताना दिसतात. हल्ली कधी ‘स्वप्नात आली राणी मुखर्जी’, हे गाणं तर कधी ‘बाया माझ्या बांगुऱ्या मांगतान रं’ ही गाणी खूप चर्चेत आहेत, ज्यावर लाखो युजर्स रील्स बनवताना दिसत आहेत. परंतु, आता एक मराठी जुनं गाणं चर्चेत आलं आहे, ज्यावरील डान्स पाहून तुम्हीही तरुणींचं कौतुक कराल.
या व्हायरल व्हिडीओमध्ये तुम्ही पाहू शकता, दोन तरुणी काष्ठा साडी नेसून एका डोंगराळ परिसरात ‘जांभुळ पिकल्या झाडाखाली’ या गाण्यावर डान्स करताना दिसत आहेत. यावेळी त्यांच्या सुंदर डान्स स्टेप्स आणि चेहऱ्यावरील हावभाव पाहून नेटकरीही त्यांचे कौतुक करताना दिसत आहे. सध्या त्यांचा हा व्हिडीओ सोशल मीडियावरही खूप चर्चेत आला आहे.
पाहा व्हिडीओ:
हा व्हिडीओ इन्स्टाग्रामवरील @nehapatil1507 या अकाउंटवरून शेअर करण्यात आला आहे. त्यावर आतापर्यंत तीन लाखांहून अधिक व्ह्युज आणि हजारो लाइक्स मिळाल्या आहेत. त्यावर अनेक युजर्स कमेंट्स करीत आहेत. एका युजरने कमेंटमध्ये लिहिलेय “व्वा, काय सुंदर नाचलात दोघी” आणखी एकाने लिहिलेय, “कसला भारी डान्स केला” आणखी एकाने लिहिलेय, “एक नंबर केला डान्स.”
