अहा, नादच खुळा राव… भात लावणी करता करता तरुणीचा ‘एक दो तीन’ गाण्यावर भन्नाट डान्स; VIDEO पाहून नेटकरी म्हणाले, “एक नंबर…”

शहरातील लोकांपासून ते खेड्यातील तरुण-तरुणींपर्यंत अनेकजण सोशल मीडियाच्या माध्यमातून आपली कला जगासमोर सादर करत आहेत. डान्स, गायन, अभिनय, चित्रकला, लोककला आणि इतर विविध कलागुणांचे व्हिडिओ शेअर करून अनेकांनी स्वतःची वेगळी ओळख निर्माण केली आहे. पूर्वी मोठे व्यासपीठ मिळवणे कठीण होते, मात्र आता सोशल मीडियामुळे प्रत्येकाला आपल्या प्रतिभेला वाव देण्याची आणि लाखो प्रेक्षकांपर्यंत पोहोचण्याची संधी मिळत आहे.

सोशल मीडियाच्या वाढत्या प्रभावामुळे खेड्यातील लोकही मोठ्या उत्साहाने आपली कला सादर करत आहेत. शेतीची कामे, जनावरांची देखभाल किंवा इतर दैनंदिन कामे करता करता अनेकजण लोकप्रिय गाण्यांवर डान्स करत व्हिडिओ तयार करतात. ग्रामीण जीवनाची झलक, पारंपरिक वेशभूषा आणि नैसर्गिक वातावरण यामुळे असे व्हिडिओ प्रेक्षकांच्या विशेष पसंतीस उतरतात. अनेकदा हे व्हिडिओ सोशल मीडियावर व्हायरल होऊन संबंधित व्यक्तींना मोठी लोकप्रियता मिळवून देतात.

सध्या अशाच एका तरुणीचा व्हिडिओ चर्चेत आला आहे. रानामध्ये भात लावणीचे काम करता करता ती माधुरी दीक्षितच्या गाजलेल्या ‘एक दो तीन’ गाण्यावर उत्स्फूर्तपणे डान्स करताना दिसते. तिच्या चेहऱ्यावरील हावभाव, नृत्याची लय आणि ग्रामीण वातावरणाचा सुंदर संगम पाहून अनेक नेटकरी तिच्या व्हिडिओचे कौतुक करत आहेत.

पाहा व्हिडीओ:

View this post on Instagram

A post shared by Reema Kumari (@reema_kumari7312)

हा व्हिडीओ इन्स्टाग्रामवरील @reema_kumari7312 या अकाउंटवरून शेअर करण्यात आलाय. या व्हिडीओला आतापर्यंत मिलियन्सहून अधिक व्ह्युज अन् लाखो लाइक्स मिळाल्या आहेत. तसेच अनेक युजर्स या व्हिडीओवर कमेंट्सही करताना दिसत आहेत. एका युजरने लिहिलेय, “खूपच छान ताई” एका युजरने लिहिलेय, “लयभारी डान्स” आणखी एका युजरने लिहिलेय, “एक नंबर डान्स केला हिने”