Viral Video: सध्या सोशल मीडियावर ग्रुप डान्स व्हिडीओंची विशेष क्रेझ पाहायला मिळत आहे. मित्र-मैत्रिणी, शाळा-कॉलेजमधील विद्यार्थी तसेच विविध डान्स अकॅडमींचे कलाकार लोकप्रिय हिंदी, मराठी आणि दक्षिण भारतीय गाण्यांवर एकत्रित नृत्य सादर करताना दिसतात. एकसारखी वेशभूषा, अचूक स्टेप्स, उत्तम समन्वय आणि आकर्षक लोकेशन यामुळे असे व्हिडीओ प्रेक्षकांचे लक्ष वेधून घेतात. अनेक ग्रुप डान्स व्हिडीओ काही वेळातच लाखो व्ह्यूज आणि हजारो लाइक्स मिळवत व्हायरल होतात. त्यामुळे सोशल मीडिया हे केवळ मनोरंजनाचे माध्यम न राहता, नृत्यकौशल्य सादर करण्यासाठी आणि व्यापक प्रेक्षकांपर्यंत पोहोचण्यासाठी एक प्रभावी व्यासपीठ ठरत आहे.
हल्लीच्या तरुणींमध्ये डान्सची क्रेझ मोठ्या प्रमाणात वाढताना दिसत आहे. सोशल मीडियावरील ट्रेंडिंग गाणी, रील्स आणि डान्स चॅलेंजमुळे अनेक तरुणी आपल्या नृत्यकौशल्याचे व्हिडीओ नियमितपणे शेअर करत आहेत. बॉलिवूड, मराठी, कथ्थक, फोक, हिप-हॉप आणि फ्युजन अशा विविध शैलींमध्ये त्या आकर्षक सादरीकरण करताना दिसतात. काही जणी घराच्या गच्चीवर, तर काही सार्वजनिक ठिकाणी किंवा निसर्गरम्य परिसरात डान्स व्हिडीओ शूट करतात. अशा व्हिडीओंना लाखो व्ह्यूज मिळत असून अनेक तरुणींना सोशल मीडियावर मोठी लोकप्रियता मिळत आहे. त्यामुळे डान्स हा केवळ छंद न राहता स्वतःची ओळख निर्माण करण्याचे आणि सर्जनशीलता व्यक्त करण्याचे प्रभावी माध्यम ठरत आहे.
हल्ली पावसाळ्यात पावसाचा आनंद घेत डान्स करणाऱ्यांचे अनेक व्हिडीओ सोशल मीडियावर पाहायला मिळतात. पावसाच्या सरींमध्ये मनसोक्त डान्स करत अनेकजण आपले व्हिडीओ शूट करून ते सोशल मीडियावर शेअर करतात. गाणी, भन्नाट डान्स स्टेप्स आणि पावसाचे सुंदर वातावरण यामुळे असे व्हिडीओ नेटकऱ्यांचेही लक्ष वेधून घेतात.
सध्या सोशल मीडियावर चार तरुणींचा निसर्गरम्य परिसरातील डान्स व्हिडीओ समोर आला आहे. या व्हिडीओमध्ये पावसात भिजत भिजत चारही तरुणी ‘कोयल सी तेरी बोली’ या गाण्यावर उत्साहात डान्स करताना दिसत आहेत. पावसाच्या सरी, हिरवाईने नटलेला परिसर आणि तरुणींचा उत्साही डान्स यामुळे हा व्हिडीओ लक्षवेधी ठरत आहे. त्यांच्या डान्सचा हा अंदाज नेटकऱ्यांना चांगलाच आवडताना दिसत आहे.
पाहा व्हिडीओ:
A post shared by Nrityanjali The Dance and Music Academy (@nrityanjali_dehradun)
हा व्हिडीओ इन्स्टाग्रामवरील @nrityanjali_dehradun या अकाउंटवरून शेअर करण्यात आलाय. या व्हिडीओला आतापर्यंत लाखो व्ह्युज अन् हजारो लाइक्स मिळाल्या आहेत. तसेच अनेक युजर्स या व्हिडीओवर कमेंट्सही करताना दिसत आहेत. एका युजरने लिहिलेय, “या पोरींनी कमालच केली” एका युजरने लिहिलेय, “एक नंबर डान्स पोरींनो.” आणखी एका युजरने लिहिलेय, “एक नंबर डान्स केला राव”
