Viral Video: सोशल मीडियावर कधी काय पाहायला मिळेल ते सांगता येत नाही. अनेकदा त्यावर अपघाताचेही अनेक व्हिडीओ व्हायरल होताना आपण पाहतो. जे समोर येताच काही क्षणांत लाखो व्ह्युज आणि लाइक्स मिळवतात. बऱ्याचदा अपघात हे स्टंट करण्यामुळे होतात. त्यावर नेटकरी तीव्र संतापदेखील व्यक्त करताना दिसतात. अशा विविध प्रकारच्या स्टंटमुळे अनेकांनी आजपर्यंत आपला जीव गमावला आहे. दरम्यान, नुकताच असाच एक थरकाप उडवणारा व्हिडीओ व्हायरल होत आहे. या व्हिडीओमध्ये एक तरुण एक उंचवट्यावरून भयानक स्टंट करताना दिसतोय, जे पाहून अनेकांच्या काळजाचा ठोका चुकला आहे. सोशल मीडियावरील नवनवीन ट्रेंड्सवर अनेकांचे अचूक लक्ष असते. या ट्रेंडनुसार लोक गाणी, रील्स, व्हिडीओ बनवताना दिसतात. सध्या असाच एक व्हिडीओ व्हायरल होतोय; ज्यात एक तरुण स्वतःचा जीव धोक्यात घालून जीवघेणा स्टंट करीत आहे. त्यावर अनेक युजर्स कमेंट्सदेखील करताना दिसत आहेत. नक्की काय घडलं व्हिडीओमध्ये? (Viral Video) या व्हायरल व्हिडीओमध्ये तुम्ही पाहू शकता की, एक तरुण एका गडाच्या तटबंदीवरील कट्ट्यावर चढून मागच्या बाजूला उंच उडी मारत आहे आणि पुन्हा स्वतःचा तोल सावरून कट्ट्यावर उभा राहत आहे. तरुणाच्या मागे दिसत असलेली दरी खूप खोल असून, चुकून तरुणाला स्वतःचा जीव सावरता आला नसता, तर त्याला त्याचा जीव गमवावा लागला असता. हा जीवघेणा स्टंट पाहून युजर्स तीव्र संताप व्यक्त करताना दिसत आहेत. हा व्हिडीओ इन्स्टाग्रामवरील @iabhi.choudhary या अकाउंटवरून शेअर करण्यात आला आहे. त्यावर आतापर्यंत तीन दशलक्षांहून अधिक व्ह्युज आणि दोन लाखांहून अधिक लाइक्स मिळाल्या आहेत. तसेच यावर अनेक युजर्स विविध प्रकारच्या कमेंट्स करताना दिसत आहेत. हेही वाचा: ‘गुलाबी साडी’ गाण्यावर मांजरीचा मराठमोळा लूक; Video पाहून नेटकरी म्हणाले, “नखरेवाली माऊ…” पाहा व्हिडीओ: https://www.instagram.com/reel/C-QMokov1d0/?utm_source=ig_web_copy_link&igsh=MzRlODBiNWFlZA== युजर्सच्या कमेंट्स चर्चेत या व्हायरल व्हिडीओतील एका युजरने कमेंटमध्ये लिहिलेय, "भावा, एक दिवस असाच जाशील; जरा सांभाळून." दुसऱ्या युजरने लिहिलेय, "अरे, एकच आयुष्य आहे. असा स्वतःचा जीव धोक्यात घालू नको." तिसऱ्या युजरने लिहिलेय, "बहुतेक सध्या यमराज झोपले आहेत." चौथ्या युजरने लिहिलेय, "खूपच खतरनाक."
