Mumbai Local Train Viral Video: नुकताच मुंबई लोकल ट्रेनमधील एक व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये एक प्रवासी समोरच्या सीटवर बसलेल्या जोडप्याशी वाद घालताना दिसत आहे. वास्तविक, तरुणी समोरच्या सीटवर पाय पसरून बसली होती, त्यानंतर प्रवाशाने तिला पाय खाली ठेवण्यास सांगितले. मात्र तिने काही ऐकले नाही. याउलट या जोडप्याने समोरच्या प्रवाशासोबत वाद घालण्यास सुरुवात केली. यानंतर प्रवाशाने तुम्ही कोण आहात असं विचारले असता, मी वकील आहे आणि आम्ही पाय पसरूनचं ट्रेनमध्ये बसणार आहोत असं ते म्हणाले. या घटनेचा व्हिडिओ सध्या मोठ्या प्रमाणात व्हायरल होत आहे. समोर बसलेल्या प्रवाशाने ही घटना आपल्या फोन कॅमेऱ्यात रेकॉर्ड केली आहे. लोकलमध्ये पाय पसरवून बसलेली ही तरुणी व्हिडिओच्या शेवटी समोरील प्रवाशाकडून कॅमेरा हिसकावण्याचा देखील प्रयत्न करते. प्रवाशाने हा व्हिडीओ ट्विटरवर पोस्ट केला आणि मुंबई पोलिस आणि मध्य रेल्वेला देखील टॅग केले आहे. येथे पाहा व्हिडिओ पोलिसांनी तपासाचे आदेश दिले या घटनेनंतर मुंबई पोलिसांनीही चौकशीचे आदेश दिले आहेत. त्याचबरोबर या पोस्टवर लोक आपल्या प्रतिक्रियाही देत आहेत. एका यूजरने लिहिले की, 'तुम्ही जे केले ते योग्यच केले.' दुसर्‍या यूजरने लिहिले की, 'तो वकील आहे पण त्याला याची जाणीव नाही.' त्याचवेळी दुसऱ्या यूजरने लिहिले की, 'अशा लोकांना ट्रेनमधून हाकलून दिले पाहिजे.' तसंच हा व्हिडीओ आतापर्यंत असंख्य लोकांनी पहिला आहे.
