लोकल ट्रेनचा प्रवास दिवसेंदिवस अशक्य होत चालला आहे. मुंबईतील कल्याण जंक्शन रेल्वे स्थानकावर चेंगराचेंगरीसारखी स्थिती दर्शविणारा एक व्हिडिओ व्हिडीओ व्हायरल झाला आहे. व्हायरल झालेल्या व्हिडिओमध्ये अनेक महिला एकमेकांना धक्का देत लोकल ट्रेनमध्ये घुसण्याचा प्रयत्न करत आहेत. संपूर्ण प्लॅटफॉर्म प्रवाशांनी भरलेला दिसत आहे.
व्हिडिओ शेअर करताना, एक X वापरकर्ता चिराग बडजात्याने लिहिले, “फ्रेममध्ये २ कार असलेल्या प्रत्येक अटल सेतू व्हिडिओसाठी, १० हजार लोक मुंबई लोकलमध्ये जागा शोधण्याचा प्रयत्न करत आहेत. हे अत्यंत खेदजनक आणि समाजातील प्रचंड असंतुलन आहे.
व्हिडिओने प्लॅटफॉर्मवर १०,०४,०००पेक्षा जास्त व्ह्यूज मिळवले आहेत. व्हिडीओवर प्रतिक्रिया देताना, एका वापरकर्त्याने लिहिले की, “मुंबई लोकल ट्रेन नेहमीच खचाखच भरलेल्या असतात कारण किनाऱ्यालगतच्या शहराच्या अरुंद लेआउटमुळे रेल्वे मार्गांचा विस्तारणे कठीण होते.”
दुसऱ्या वापरकर्त्याने कमेंट केली, “तेच लोक रेल्वे/मेट्रोच्या विस्ताराला विरोध करतात, एवढी गर्दी का आहे याबद्दल रडतात आणि हेच चक्र भारतात सुरू आहे.”
“यार या मुंबईच्या लोकल खूप गुदमरल्या आहेत, मी त्यात खूप प्रवास केला आणि मुंबईत प्रवास करतानाचा त्रास खरा आहे,” तिसऱ्या वापरकर्त्याने प्रतिक्रिया दिली.
हेही वाचा – “एक चूक अन् खेळ खल्लास!” महाकाय अजगराने विळख्यात जखडले तरी हसतोय हा तरुण, पहा थरारक Viral Video
मे महिन्यात अशाच एका घटनेने इंटरनेटचे लक्ष वेधून घेतले होते. व्हायरल व्हिडिओमध्ये मुंबईतील एका रेल्वे स्थानकावर प्रचंड धुळीचे वादळ आणि पावसामुळे गोंधळ उडाला होता. व्हिडीओमध्ये प्रवासी ट्रेन पकडण्यासाठी एकमेकांना ढकलत असल्याचेही चित्रीत झाले आहे.
