आयुष्याच्या मार्गदर्शनात आईचे स्थान अमूल्य असते. ज्या काळात आपण जगाच्या रंगमंचावर पदार्पण करतो, त्या काळात आई आपल्या जीवनातील पहिली शिक्षक असते. तिच्या शिकवणींमुळेच आपल्याला योग्य दिशा सापडते. आईची शिकवण म्हणजे केवळ शिक्षण किंवा ज्ञानाची बाब नाही, तर ती जीवनाचे मूल्य, नैतिकता, आदर्श, आणि सहानुभूती यांचाही समावेश करते. आईची शिकवण म्हणजे आयुष्यभराची शिदोरी असते, यावरच आधारीत एक व्हिडीओ सध्या सोशल मीडियावर व्हायरल होत आहे. यामध्ये किर्तनकार महाराजांनी आईची शिकवण कशी आयुष्यात उपयोगी ठरते याचं उदाहरण दिलं आहे. हा व्हिडीओ पाहून तुम्हालाही कळेल आईचं महत्त्व.
या व्हिडीओमध्ये तुम्ही पाहू शकता, महाराज सांगत आहेत की, एक आई मुलाला म्हणतेय तू इंजिनियर झाला आहेस ना, महिना झाला घरातला नळ लिकेज आहे.पकड घे आणि तो नळ आधी दुरुस्त कर. यावर मुलगा नळ दुरुस्त करतो आणि आईला सांगतो बघ मी नळ दुरुस्त केला. त्यानंतर काही दिवसांनी त्याचा नोकरीसाठी इंटरव्ह्यू असतो. तो इंटरव्ह्यूला जातो मात्र याठिकाणी १०० उमेदवार आणि नोकरी एकच अशी परिस्थिती असते. एक एक करुन सगळे उमेदवार इंटरव्ह्यू देऊन येतात, यानंतर या तरुणाची वेळ येते. हा तरुण इंटरव्ह्यूला आतमध्ये जातो आणि समोर त्याला एक नळ सुरु असलेला दिसतो, तो नळ तरुण आधी बंद करतो मग इंटरव्ह्यूसाठी पुढे जातो. हे पाहून परीक्षक खूश होतात आणि तुझी नोकरी पक्की असं त्याला सांगतात. यावर तो गोंधळतो आणि विचारतो हे कसं? त्यावर परीक्षक उत्तर देतात की ९९ तरुण आले, गेले मात्र नळ बंद कुणीच केला नाही पण तू केलास. यावेळी या तरुणाच्या डोळ्यात पाणी येते आणि आईने दिलेल्या शिकवणीची त्याला आठवण होते. यानंतर तो त्याच्या डायरीमध्ये लिहतो, “घडाळ्याची टिक टिक टाईम मॅनेजमेंट शिकवते तर आईची कट कट लाइफ मॅनेजमेंट शिकवते.”
पाहा व्हिडीओ
हेही वाचा >> PHOTO: म्हणून ट्रक चालकांचा नाद करु नये; ट्रकच्या मागे लिहला खतरनाक मेसेज, वाचून सगळेच लांब जाऊ लागले
सोशल मीडियावर हा व्हिडीओ love_status_24 नावाच्या इन्स्टाग्राम अकाऊंटवरुन शेअर करण्यात आला आहे. यावर नेटकरीही वेगवेगळ्या प्रतिक्रिया देत आईवरचं प्रेम व्यक्त करत आहेत. एकानं म्हंटलंय, “शेवटी आई आई असते” तर आणखी एकानं “आईसारखा गुरु जगी नाही” अशी प्रतिक्रिया दिली आहे.
m
