Sufiya Suri sets world record : संघर्ष कोणाला चुकला आहे. प्रत्येकजण आयु्ष्यात जगण्यासाठी, प्रगती मिळवण्यासाठी संघर्ष करत असतो पण काहींना विजय क्षणात मिळतो तर काहींना यशाची पावती मिळवण्यासाठी कित्येक वर्षांचा संघर्ष करावा लागतो, संयम ठेवावा लागतो. सूफिया सूरी यांचा मनाली ते लेह हा ऐतिहासिक कामगिरी देखील अशाच एखा संघर्षाची आणि यशाची गोष्ट आहे. १०० तासांपेक्षा कमी वेळेत जगातील सर्वात कठीण मार्गांपैकी पार करत त्यांनी २०२३ मध्ये गिनीज वर्ल्ड रेकॉर्ड केला. मात्र त्या यशाचा अधिकृत दाखला हातात येण्यासाठी त्यांना तब्बल दोन वर्षे वाट पाहावी लागली. यशाची पोचपोवती मिळण्यास उशीर झाला असला तरी सूफियांची जिद्द, चिकाटीने अनेकांना प्रेरणा मिळाली आहे.
हिमालयाशी दोन हात, जिद्दीची परीक्षा (Battling the Himalayas)
राजस्थानमधील एका सामान्य कुटुंबातून आलेल्या सूफिया सूरी यांनी ४ दिवस २ तास २७ मिनिटांत मनाली–लेह हा खडतर प्रवास धावत पूर्ण केला. सुमारे ४८० किलोमीटरचा हा मार्ग जगातील सर्वात उंच मोटरेबल रस्ता मानला जातो. रोहतांग ला, बारालाचा ला, नाकीला, लाचुंग ला आणि तांगलांग ला असे पाच उंच पर्वतीय दर्रे पार करताना कमी ऑक्सिजन, प्रचंड थंडी आणि उंचीमुळे येणारी शारीरिक-मानसिक थकवा—या सगळ्यांवर मात करत सूफियांनी इतिहास घडवला. ८,५०० मीटरपेक्षा अधिक एकूण उंचीवरील हा प्रवास अनेक अनुभवी धावपटूंनाही अवघड वाटणारा आहे.
२०२३ मध्ये रचला इतिहास, २०२६ मध्ये मिळाली यशाची पावती! (The Long Wait for Recognition)
ऑगस्ट २०२३ मध्ये तिने रेकॉर्ड नोंदवला होता, पण गिनीजचे अधिकृत प्रमाणपत्र सूफियांच्या हातात २०२६ मध्ये आले. यावर त्यांनी सोशल मीडियावर हलक्याफुलक्या शब्दांत प्रतिक्रिया दिली—“प्रमाणपत्राने डिलिव्हरी गेटवे आणि भारतीय कस्टम्सचा ‘सीनिक रूट’ घेतला!” हा विनोद तिच्या सकारात्मक वृत्तीचेच दर्शन घडवतो. यश मिळाल्यावरही नम्र राहून त्या प्रवासातील प्रत्येक टप्प्याला स्वीकारतात, हेच सूफियांचे वेगळेपण आहे.
सूफिया सूरी यांच्यासाठी ही पहिलीच मोठी कामगिरी नाही. काश्मीर ते कन्याकुमारी हा ८७ दिवसांचा अविश्वसनीय प्रवास, गोल्डन क्वाड्रिलॅटर रन, भारताच्या गोल्डन ट्रायँगलमधील १,००० किलोमीटरची धाव—अशा अनेक विक्रमांनी त्यांनी स्वतःला सिद्ध केले आहे. कतारमध्ये अवघ्या ३० तासांत धाव पूर्ण करत ‘फास्टेस्ट फीमेल रनर’ ठरणे, हेही तिच्या खात्यातील आणखी एक यश.
प्रेरणेचा अखंड प्रवास (A Journey That Inspires)
सूफिया सूरी यांची कहाणी केवळ वेगाची नाही, तर संयमाची आहे. शरीर थकले, श्वास अडखळले, तरीही मन हार मानत नाही—याचं जिवंत उदाहरण म्हणजे सूफिया. दोन वर्षांनी का होईना, पण आलेलं प्रमाणपत्र हे तिच्या विजयाचं प्रतीक आहे. हिमालयाच्या कुशीत धावणारी ही महिला आज अनेक तरुणांसाठी प्रेरणेचा स्रोत ठरते—स्वप्न मोठं ठेवा, कारण वाट कितीही कठीण असली तरी ध्येय गाठता येतंच.
