रविवारी भारतीय क्रिकेट संघाने ऑस्ट्रेलिया संघावर जोरदार विजय मिळवला. सामना जिंकताच क्रिकेट प्रेमींचा आनंद गगनात मावेनासा झाला होता. संघातील खेळाडूंनीही कामगिरीवर समाधान व्यक्त करत आनंद साजरा केला. या दरम्यान विराट कोहली, रोहित शर्मा आणि हर्षल पटेल विजयावर जल्लोष साजरा करत असल्याचा एक व्हिडिओ झोमॅटोने ट्विटरवर शेअर केला आहे. विशेष म्हणजे, झोमॅटोने व्हिडिओला दिलेले कॅप्शन तूफान व्हायरल होत आहे. या कप्शनवर नेटकऱ्यांनी तुम्ही पोट धरून हसाल अशी प्रतिक्रिया दिल्या आहेत.

झोमॅटोने आपल्या ट्विटर हँडलवर तिन्ही दिग्गज खेळाडूंचा व्हिडिओ शेअर केला आहे. व्हिडिओत विराट कोहली, रोहित शर्मा हे पायऱ्यांवर बसले असून काही क्षणातच ते आनंदाने उठून उभे होतात. या आनंदाची तुलना झोमॅटोने आपल्या सेवेशी केली आहे.

(Viral : फळ घ्या फळ.. तरुणाला विमानात अनोख्या पद्धीतीने वस्तू विकताना पाहून पोट धरून हसाल, पाहा व्हिडिओ)

जेव्हा जेवणाचे ऑर्डर पोहोचते तेव्हा मला आणि माझ्या मित्रांना असाच आनंद होतो, अशी भावना झोमॅटोने व्हिडिओ शेअर करत व्यक्त केली आहे. या व्हिडिओला ३० हजारांवर व्ह्यूज मिळाले आहेत. यावर नेटकऱ्यांनी हशा पिकेल अशा प्रतिक्रिया दिल्या आहेत.

नेटकऱ्यांनी खूप हसवले

हा व्हिडिओ पाहून पार्सल पोहोचल्यावर होणारा आनंद झोमॅटोने व्यक्त केला. त्यावर नेटकऱ्यांनीही प्रतिक्रिया देत त्यांना असा आनंद कधी होतो याची माहिती दिली आहे आणि ती खूप हसवणारी आहे. एका युजरने झोमॅटोची मजा घेत ते जेव्हा अन्न पदार्थांवर १०० टक्के सूट देतात तेव्हा मला असा आनंद होत असल्याचे म्हटले आहे. एकाने त्याचा मित्र जेव्हा जेवणाचे पैसे देतो, तेव्हा आपल्याला असा आनंद होत असल्याचे म्हणाला. तर एकाने व्हिडिओ पाहून जेव्हा दोघेही सर्व विषयांमध्ये फेल होतात तेव्हा आपल्याला असा आनंद होत असल्याचे म्हटले.