ऑलिम्पिकमधील दुसऱ्या पदकप्राप्तीनंतर विश्रांती घेणाऱ्या पी. व्ही. सिंधूने डेन्मार्क खुल्या टेनिस स्पर्धेत मंगळवारी दिमाखदार विजयारंभ केला. याशिवाय पुरुष एकेरीत माजी विजेत्या किदम्बी श्रीकांत आणि समीर वर्मा यांनीही दुसरी फेरी गाठली आहे. महिला एकेरीत विश्वविजेत्या सिंधूने टर्कीच्या नेस्लिहान यिगिटवर २१-१२, २१-१० असा सरळ गेममध्ये विजय मिळवला. सिंधूची आता बुसानन ओंगबामरुंगफानशी गाठ पडणार आहे. श्रीकांतने सहकारी बी. साईप्रणीतचे आव्हान ३० मिनिटांत २१-१४, २१-११ असे मोडीत काढले. जागतिक क्रमवारीत १४व्या क्रमांकावरील श्रीकांतपुढे दुसऱ्या फेरीत जपानच्या अव्वल मानांकित केंटो मोमोटाचे आव्हान असेल.