घराचे भाडे भरण्यासाठी ‘हे’ वयस्कर आजी-आजोबा विकतात पोहे; व्हिडीओ पाहून तुमच्याही डोळ्यात येईल पाणी

जाणून घ्या सोशल मीडियावर व्हायरल होणारे हे आजी-आजोबा कोण आहेत.

सध्या सोशल मीडियावर एक वयस्कर आजी-आजोबांचा व्हिडीओ व्हायरल झाला आहे. या व्हिडीओमध्ये ते दोघे रस्त्याच्या शेजारी कांदे पोहे बनवून विकताना दिसत आहेत. हे ७० वर्षांचे आजोबा रस्त्याच्या शेजारी कांदे पोहे का विकत आहेत? ते कोण आहेत? काय करतात? असे अनेक प्रश्न सर्वांना पडले आहेत.

सोशल मीडियावर व्हायरल झालेला आजी-आजोबांचा व्हिडीओ नागपूरमधील टांडापेठ येथील आहेत. ते पंडित नेहरु कॉन्वेंटसमोर कांदे पोहे विकत आहेत. त्यांचा व्हिडीओ फूड ब्लॉगर ‘विवेक आणि आयशा’ यांनी शेअर केला आहे. घराचे भाडे भरण्यासाठी हे आजी-आजोबा रस्त्यावर कांदे पोहे विकत असल्याचे त्यांनी म्हटले आहे.
VIDEO: आयस्क्रीमवाला चकवा देणार इतक्यात चिमुकलीने लढवली अनोखी शक्कल; तुम्हालाही अनावर होईल हसू

व्हिडीओ शेअर करत त्यांनी, ‘या ७० वर्षीय आजी-आजोबांना घराचे भाडे भरणे कठिण होत आहे. त्यासाठी ते रस्त्याच्या शेजारी कांदे पोहे, चहा विकत आहेत. ते सकाळी ५ वाजता येथे येतात. ते केवळ १० रुपयांमध्ये नागपुरमधील अतिशय लोकप्रिय पोहे विकतात. जवळपास गेली ४ वर्षे हे काम करत आहेत. प्रचंड मेहनत घेत आहेत. पण त्यांनी हार मानलेली नाही’ या आशयाचे कॅप्शन दिले आहे.

या फूड ब्लॉगरने आजी-आजोबांचा व्हिडीओ शेअर करत त्यांच्याकडून पोहो खरेदी करण्याचे आवाहन केले आहे. ‘आजी-आजोबांचे हे दुकान नागपूरमधील टांडापेठ येथील पंडिच नेहरु कॉन्वेंट समोर आहे. ते सकाळी ६ वाजल्यापासून ते संध्याकाळी ४ वाजेपर्यंत असतात’ असे म्हटले आहे. अनेकांनी त्यांच्या या व्हिडीओवर कमेंट केल्या आहेत. त्यांचा हा व्हिडीओ सध्या सोशल मीडियावर चर्चेत आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व Uncategorized बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Nagpur elderly couple sells poha on the streets for living their story win internet avb