Trai Listed Airtel Jio Vi Bsnl Mtnl Monthly 30 Days Validity Plans For Users Check All Details | Loksatta

जीओ, व्हीआय, एअरटेल, बीएसएनएल आणि एमटीएनएल कंपन्या ऑफर करणार ३० दिवसांचा प्लॅन; ट्रायने जारी केली यादी

आता ट्रायच्या संकेतस्थळावर ३० दिवसांच्या वैधतेसह जीओ, व्होडाफोन आयडिया, एअरटेल, बीएसएनएल आणि एमटीएनएलचे प्रीपेड प्लॅन पाहू शकता.

जीओ, व्हीआय, एअरटेल, बीएसएनएल आणि एमटीएनएल कंपन्या ऑफर करणार ३० दिवसांचा प्लॅन; ट्रायने जारी केली यादी
संग्रहित छायाचित्र

भारतीय दूरसंचार नियामक प्राधिकरणाने म्हणजेच ट्रायने भारतातील सर्व दूरसंचार कंपन्यांच्या ३० दिवसांच्या प्रीपेड रिचार्ज योजना त्यांच्या संकेतस्थळावर सूचीबद्ध केल्या आहेत. ज्याच्या मदतीने तुम्ही आता ट्राय संकेतस्थळावर ३० दिवसांच्या वैधतेसह जीओ, व्होडाफोन आयडिया, एअरटेल, बीएसएनएल आणि एमटीएनएलचे प्रीपेड प्लॅन पाहू शकता. यासोबतच त्या प्लॅन्सची यादीही संकेतस्थळावर देण्यात आली आहे जी पूर्ण महिन्याच्या वैधतेसह येतात. वापरकर्त्यांच्या मागणीवरून ट्रायने हा निर्णय घेतला असल्याची माहिती आहे.

काही काळापूर्वी असे समोर आले होते की, टेलिकॉम कंपन्यांच्या २८ दिवसांच्या प्रीपेड रिचार्ज प्लॅनवर वापरकर्ते खूश नाहीत. त्यांना ३० दिवसांच्या वैधतेसह प्लॅन हवे आहेत, त्यामुळे ट्रायने सर्व दूरसंचार कंपन्यांना लवकरात लवकर ३० दिवसांच्या वैधतेसह योजना ऑफर करण्याचे निर्देश दिले होते. या घोषणेनंतर, बीएसएनएलआणि एमटीएनएल ३० दिवसांच्या वैधतेसह योजना सादर करणारे पहिले होते. त्यानंतर खाजगी टेलिकॉम कंपन्यांनी ३० दिवसांच्या वैधतेसह प्लॅन ऑफर केले. जे महिन्याच्या त्याच तारखेला रिचार्ज केले जातात. म्हणजेच, जर तुम्ही पहिल्या दिवशी रिचार्ज केले असेल तर तुम्ही पुढच्या १ तारखेलाच रिचार्ज कराल.

आणखी वाचा : वोडाफोनच्या ‘या’ प्लॅन्सवर मिळतोय ७५ जीबीचा एक्स्ट्रा डेटा!

पाहा कंपन्यांच्या प्लॅन्सची संपूर्ण यादी

एअरटेल
टेलिकॉम कंपनी एअरटेलन आपल्या वापरकर्त्यांसाठी १२८ आणि १३१ चे प्रीपेड प्लान ऑफर करते. जेथे १२८ प्लॅनमध्ये ३० दिवसांची वैधता उपलब्ध आहे, तर १३१ प्लॅनमध्ये संपूर्ण महिन्याची वैधता उपलब्ध आहे. कृपया लक्षात घ्या की या प्लॅनमध्ये टॉक टाईम दिलेला नाही.

व्होडाफोन आयडिया
व्होडाफोन आयडिया वापरकर्त्यांना १३७ आणि १४१ चे प्रीपेड प्लान मिळतात, जिथे १३७ च्या प्लान मध्ये ३० दिवसांची वैधता दिली जाते आणि १४१ च्या प्लान मध्ये संपूर्ण महिन्याची वैधता दिली जाते. विशेष बाब म्हणजे कंपनी प्लॅनमध्ये १० ऑन नाईट फ्री मिनिटे देखील देते.

जीओ
रिलायन्स जीओ दोन प्रकारचे प्रीपेड प्लॅन देखील ऑफर करते. ज्यामध्ये २९६ रुपयांच्या प्लॅनमध्ये ३० लोकांची वैधता उपलब्ध आहे, तर २५९ रुपयांच्या प्लॅनमध्ये संपूर्ण महिन्याची वैधता उपलब्ध आहे. पहिल्या प्लॅनमध्ये यूजर्सना २५ जीबी डेटा आणि अनलिमिटेड कॉलिंगची सुविधा मिळते. तर २५९ च्या मासिक प्लॅनमध्ये १.५ जीबी डेटा आणि अमर्यादित कॉलिंग दिले जाते.

आणखी वाचा : दररोज १.५ जीबी डेटासह जिओचा सर्वात स्वस्त रिचार्ज प्लॅन! मिळेल अमर्यादित कॉलसह SMS ची मोफत सुविधा

बीएसएनएल
भारताची सरकारी दूरसंचार कंपनी वापरकर्त्यांसाठी दोन प्रीपेड योजना देखील ऑफर करते. ज्यामध्ये १९७ रुपयांच्या प्लॅनमध्ये ३९ दिवसांची वैधता उपलब्ध आहे. तर २२९ रुपयांच्या प्लॅनमध्ये संपूर्ण महिन्याची वैधता देण्यात आली आहे. जिथे १९७ चा प्लॅन अमर्यादित व्हॉईस कॉलिंगसह दररोज १०० एसएमएस आणि २ जीबी डेटा ऑफर करतो. त्याच वेळी, २२९ रुपयांच्या प्रीपेड प्लॅनमध्ये अमर्यादित व्हॉइस कॉलिंग आणि २ जीबी डेटासह दररोज १०० एसएमएस दिले जातात.

एमटीएनएल
एमटीएनएल कंपनी ९७ रुपये आणि १९१ रुपयांचे प्रीपेड प्लॅन ऑफर करते. ज्यामध्ये ९७ प्लॅनमध्ये ३० दिवसांची वैधता उपलब्ध आहे आणि १९१ प्लॅनमध्ये संपूर्ण महिन्याची वैधता उपलब्ध आहे.

मराठीतील सर्व Uncategorized ( Uncategorized ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
चंद्रपूर : धामणपेठ गावात अतिसाराने तिघांचा मृत्यू; तिघांवर उपचार सुरू

संबंधित बातम्या

‘CHARACTER LIMIT’ १ हजार असावी, युजरने सूचवलेल्या पर्यायावर मस्क म्हणाले, त्यावर..
Best Recharge Plan: मस्तच! ३९५ रुपयांमध्ये अमर्यादित कॉलिंग आणि डेटाचा लाभ घ्या; तीन महिन्याच्या वैधतेसह उपलब्ध
Redmi 10, Realme Narzo 50A आणि Samsung Galaxy M21 मध्ये कोणता बजेट फोन चांगला असेल, जाणून घ्या
Mobiles Under 8000: Realme, Redmi व Samsung कंपनीचे ८ हजार रुपयांपेक्षा कमी किंमतीचे आहेत स्मार्टफोन्स
Moto G72 भारतात विक्रीसाठी उपलब्ध; किंमत फक्त…

व्हिडिओ

ताज्या बातम्या
पुणे शहरात रिक्षा बंद, प्रवाशांचे हाल; मागणी पूर्ण होईपर्यंत बंद सुरू ठेवण्याचा निर्धार
आंध्रप्रदेशचे मुख्यमंत्री जगन मोहन रेड्डींच्या बहिणीला तेलंगणात अटक, गाड्यांचीही जाळपोळ; काय आहे प्रकरण?
निधीअभावी पुणे जिल्हा परिषदेच्या अत्याधुनिक अभिलेख कक्षाचे काम रखडले
Fifa World Cup 2022: मेस्सी-रोनाल्डोचे संघ होणार बाहेर? विश्वचषकाचे फसले गणित, जाणून घ्या समीकरण
यामी गौतमचा ‘लॉस्ट’ हा थरारपट लवकरच प्रेक्षकांच्या भेटीला; ‘या’ ओटीटी प्लॅटफॉर्मवर होणार प्रदर्शित