वसईत ठेकेदाराच्या भावाची हत्या, आरोपी फरार

वसई- वसई पश्चिमेच्या सनसिटी येथे बांधकाम सुरू असलेल्या इमारतीत एका इसमाची हत्या झाल्याचे उघड झाले आहे. मोईन महम्मद (३८) असे हत्या झालेल्या इसमाचे नाव आहे.

आणखी वाचा

शिंदे-फडणवीस-पवार सरकारचा मोठा निर्णय, राज्यातील १२ जिल्ह्यांच्या पालकमंत्र्यांची यादी जाहीर, वाचा…

१२ वर्षांच्या मुलाची २६ तास समुद्राशी झुंज; गणेशमूर्ती बसवायच्या लाकडी फळीचा मिळाला आधार!

“जेव्हा पक्ष सांगेल, तुझी गरज नाही आता…”, देवेंद्र फडणवीसांचं मोठं विधान

नवी मुंबई : ८ ते १० तास ट्रेन एकाच ठिकाणी थांबलेली, वैतागलेल्या प्रवाशाचा थेट मुख्यमंत्र्यांना फोन, पुढे काय झालं?

वसई पश्चिमेच्या सनसिटी येथे कासा द देरेजा या इमारतीचे बांधकाम सुरू आहे. ते काम ठेकादार आवेश फारूख याने हाती घेतले आहे. या ठिकाणी आरोपी अरबाज आलम मजुरी काम करतो. त्याने ठेकेदाराचा भाऊ मोईन महम्मद याची शनिवारी रात्री डोक्यात लाकडी फळी घालून हत्या केली.

मध्यरात्री १२ च्या सुमारास पोलिसांना याबाबत माहिती मिळाली. अरबाज आलम याला ठेकेदाराने पगाराचे पैसे कमी दिले होते. त्याचा राग आल्याने त्याने ठेकेदाराच्या भावाची हत्या केल्याचा पोलिसांचा सशंय आहे. आरोपीला पकडण्यासाठी पोलिसांची टीम रवाना झाली आहे, अशी माहिती माणिकपूरचे वरिष्ठ पोलीस निरीक्षक संपतराव पाटील यांनी दिली.