पालिकेच्या शाळांत शिक्षकच गैरहजर ; मीरा-भाईंदर पालिकेच्या शाळांमध्ये शिक्षकांची वानवा | Lack of teachers in Mira Bhyander Municipal Schools amy 95 | Loksatta

पालिकेच्या शाळांत शिक्षकच गैरहजर ; मीरा-भाईंदर पालिकेच्या शाळांमध्ये शिक्षकांची वानवा

यंदा मीरा-भाईंदर महानगरपालिकेच्या शाळांमध्ये नववी आणि तिसरीच्या विद्यार्थ्यांकरिता सेमी इंग्रजीचे वर्ग नव्याने सुरू करण्यात येत आहेत.

पालिकेच्या शाळांत शिक्षकच गैरहजर ; मीरा-भाईंदर पालिकेच्या शाळांमध्ये शिक्षकांची वानवा
( संग्रहित छायचित्र )

मयूर ठाकूर

भाईंदर : यंदा मीरा-भाईंदर महानगरपालिकेच्या शाळांमध्ये नववी आणि तिसरीच्या विद्यार्थ्यांकरिता सेमी इंग्रजीचे वर्ग नव्याने सुरू करण्यात येत आहेत. मात्र अध्र्याहून अधिक शैक्षणिक वर्ष संपले तरी शाळेत पुरेशा शिक्षकांची भरतीच झालेली नाही. त्यामुळे विद्यार्थ्यांचे नुकसान होत आहे.मीरा-भाईंदर पालिकेच्या शाळा आठवीपर्यंत होत्या. ते वर्ग वाढवण्याचा तसेच या शाळांमध्येही सेमी इंग्रजी वर्ग सुरू करण्याचा निर्णय पालिकेने घेतला. त्यासाठी यंदाच्या शैक्षणिक वर्षांपासून पेणकर पाडा, काशीगाव आणि माशाचा पाडा या तीन मराठी शाळांत तसेच मीरा रोडच्या एका उर्दू शाळेत नववीचे वर्ग नव्याने सुरू करण्यात आले आहेत. येथे मिळून २८५ विद्यार्थी शिकतात. मात्र त्यांच्यासाठी पुरेसे शिक्षकच उपलब्ध नाहीत. विज्ञान आणि गणितासाठी पुरेसे शिक्षक नाहीत.

पालिका पहिल्या प्रस्तावानुसार एकूण ४५ शिक्षकांची भरती करेल, असे ठरले होते. मात्र प्रत्यक्षात ३८ शिक्षकांसाठीची जाहिरात प्रसिद्ध केली. मात्र त्याचे पुढे काय झाले ते कळलेलेच नाही. परिणामी सहामाही परीक्षा तोंडावर आली तरीही विद्यार्थ्यांना शिक्षकच मिळालेले नाहीत. पालिकेच्या वर्गात शिक्षकांचाच पट कमी असण्याची नामुष्की आली आहे.

अंतर्गत बदल्यांचे गौडबंगाल
मीरा-भाईंदर महानगरपालिका शाळेत गेल्या कित्येक वर्षांपासून शिक्षकांच्या बदल्या न झाल्यामुळे अनेक शिक्षक हे सुरुवातीपासून एकाच शाळेत कार्यरत होते. अशा ८४ शिक्षकांचा अहवाल तयार करून त्यांचे बदलीचे आदेश आयुक्त ढोले यांनी काढले आहेत. या आदेशामुळे शिक्षकवर्गात नाराजी आहे. बदली थांबवण्यासाठी अनेक शिक्षक धडपड करत आहेत.

मीरा-भाईंदर महानगरपालिकेने नव्या ४४ शिक्षकांची भरती करण्याचा निर्णय घेतला आहे. त्याची निवड प्रक्रिया सुरू आहे. पुढील आठवडय़ात या नव्या शिक्षकांकडे जबाबदारी देण्यात येईल. – दिलीप ढोले, मीरा-भाईंदर महापालिका आयुक्त

मराठीतील सर्व वसई विरार ( Vasaivirar ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
भाईंदरच्या सोने व्यापाऱ्याचा रत्नागिरीत खून

संबंधित बातम्या

व्हिडिओ

ताज्या बातम्या
शेजारी बसलेल्या शाहरुख खानला ओळखू शकली नाही ‘ही’ अभिनेत्री; नेटकरी म्हणाले…
विश्लेषण: फिफा वर्ल्ड कपमध्ये मोरोक्को, जपान बलाढ्य युरोपिय देशांपुढे आपापल्या गटांत अव्वल कसे राहिले?
“मी मुख्यमंत्री एकनाथ शिंदेंच्या बाजुला उभा राहीन आणि पोलीस पाकीट मारल्याचा…”, जितेंद्र आव्हाडांचं ट्वीट चर्चेत
प्लास्टिकचा कचरा द्या आणि मोफत चहा प्या! उदयपूरच्या युवकाचा स्वच्छतेसाठी भन्नाट उपक्रम; पाहा Video
बांगलादेशी आणि रोहिंग्यांबद्दलचं वक्तव्य परेश रावल यांना पडलं महागात; माफी मागूनही तक्रार दाखल