lakes Amrit Sarovar Three lakes Vasai Virar will developed ysh 95 | Loksatta

‘अमृत सरोवर’मुळे तलावांना संजीवनी; वसई-विरारमधील तीन तलावांचा विकास होणार

शहरातील तलावांच्या सुशोभीकरण करण्यासाठी केंद्र शासनाने अमृत सरोवर ही योजना आणली आहे.

‘अमृत सरोवर’मुळे तलावांना संजीवनी; वसई-विरारमधील तीन तलावांचा विकास होणार
‘अमृत सरोवर’मुळे तलावांना संजीवनी

वसई : शहरातील तलावांच्या सुशोभीकरण करण्यासाठी केंद्र शासनाने अमृत सरोवर ही योजना आणली आहे. पालिकेने या योजनेंअतर्गत शहरातील ३ तलवांच्या सुशोभीकरणाचा प्रस्ताव सादर केला आहे. या योजनेमुळे शहरातील तलावांना नवसंजीवनी मिळणार आहे. तलाव हे शहरातील सौंदर्यात भर घालत असतात तसेच ते पर्यावरणाच्या संवर्धनात मोलाची भूमिका बजावत असतात. या तलावांचे संवर्धन करून त्याने पुनरुज्जीवन करावे यासाठी केंद्र शाससाने अमृत २.० अंतर्गत अमृत सरोवर ही योजना आणली आहे. या योजनेअंतर्गत प्रत्येक जिल्ह्यात ७५ तलाव तयार करणे आणि तलावांचे संवर्धन करण्याचे उद्दिष्ट ठरविण्यात आले आहे. जमिनीतील पाण्याची पातळी वाढवणे, शहराच्या सौंदर्यीकरणात भर घालणे, पाण्यातील जलसृष्टी वाचवणे तसेच तलावांद्वारे पर्यटनाला चालना देणे आदी उद्देशाने अमृत सरोवर योजना पंतप्रधाना नरेंद्र मोदी यांच्या हस्ते सुरू करण्यात आली आहे. या योजनेअंतर्त तलावांच्या सुभोभीकरण आणि पुनरुज्जीवनासाठी ५० लाख ते ७५ लाखांचा निधी उपलब्ध करून दिला जाणार आहे.

वसई, विरार शहरात अनेक जुने तलाव आहेत. मात्र निधीअभावी या तलावांचे सुशोभीकरण रखडले होते. परंतु आता केंद्र शासनाने निधी देण्याचे जाहीर केल्याने पालिकेने याअंतर्गत निधी मिळवण्यासाठी प्रस्ताव सादर केला आहे. पहिल्या टप्प्यात पालिकेने विरारमधील घाणीचा तलाव, तसेच नालासोपारामधील मालई आणि नाले या तलावांचे प्रस्ताव सादर केले आहेत. मालई आणि नाळे तलावासाठी सुमारे ३८ कोटी तर घाणीच्या तलावासाठी ११ कोटींची खर्च अपेक्षित आहे.

या योजनेअंतर्गत तलावांची खोली वाढवणे, संरक्षक भिंत बनवणे, तलावांचे सुशोभीकरण करणे, तलावांच्या सभोवताली खेळाचे उद्यान तयार करणे आदींचा समावेश आहे. केंद्र शासनाच्या अमृत योजनेअंतर्गत शहरात पाणीपुरवठा योजनेसाठी जलवाहिन्या टाकण्यात येत असून जलकुंभ उभारण्यात येत आहे. आता या योजनेअंतर्गत तलावांचे सुशोभीकरण केले जाणार असल्याने पालिकेला दिलासा मिळाला आहे. तीन तलावांच्या सुशोभीकरणासाठी सुमारे ८६ कोटी रुपयांचा निधी केंद्राकडून मिळणार आहे. निधीअभावी तलावांचे सुशोभीकरण रखडले होते. परंतु केंद्राचा निधी मिळाल्याने तलवाचे सुशोभीकरण करणे तसचे जुन्या तलावांचे पुनरुज्जीवन करणे शक्य होणार असल्याचे पालिकेने सांगितले.

या तलावांचे सुशोभीकरण

  • घाणीचा तलाव, विरार पूर्व- ११ कोटी ३८ लाख
  • मालई तलाव, नालासोपारा पश्चिम- ३७ कोटी २० लाख
  • नाळे तलाव नालासोपारा पश्चिम- ३७ कोटी ८६ लाख

मराठीतील सर्व वसई विरार ( Vasaivirar ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
आयुक्तालयाच्या हद्दीत आठ महिन्यांत १३७ अपघाती मृत्यू

संबंधित बातम्या

व्हिडिओ

ताज्या बातम्या
बांगलादेशी आणि रोहिंग्यांबद्दलचं वक्तव्य परेश रावल यांना पडलं महागात; माफी मागूनही तक्रार दाखल
शिवडी-वरळी उन्नत रस्ता प्रकल्प; सर्वात मोठ्या पाईल कॅपच्या काँक्रिटीकरणाचे काम पूर्ण
FIFA World Cup 2022: आजपासून सुपर-१६ लढतींचा थरार, पाहा सर्व सामन्यांचे वेळापत्रक
रणवीर सिंगने सर्वांसमोर सिद्धार्थ जाधवला धक्का दिला अन्… पुढे काय घडलं? पाहा व्हिडीओ
“सोलापुरात कर्नाटक भवन बांधणार असाल, तर आम्हाला…”, संजय राऊतांचे मुख्यमंत्री बोम्मईंना प्रत्युत्तर