वसई: ३१ डिसेंबरच्या रात्री नववर्षाच्या स्वागताच्या निमित्ताने होणार्‍या मेजवान्यांसाठी तसेच मद्य पिण्यासाठी मद्य परवाना आवश्यक असतो.  मात्र पालघर जिल्हयात केवळ २८ जणांनीच मद्य परवाने काढले आहेत. रिसॉर्ट चालकांनी देखील मद्य परवाने काढले नसल्याने तेथील मेजवान्यांमध्ये बेकायदेशीर मद्य विक्री होणार आहे.

३१ डिसेंबर व नवीन वर्षाच्या स्वागताच्या निमित्ताने पालघर जिल्ह्यातील विविध ठिकाणच्या हॉटेल्स , रिसॉर्ट, फार्म हाऊस येथे मेजवान्या (पार्ट्या) आयोजित केल्या जात असतात. यामध्ये मद्याचे प्रमाणही मोठ्या प्रमाणात असल्याने मद्याचा वापरही होत असतो. मात्र ३१ डिसेंबरच्या रात्री नववर्षाच्या स्वागतासाठी वसई विरारच्या समुद्रकिनार्‍यावर असलेल्या रिसॉर्ट आणि ढाब्यांमध्ये बेकायदेशीरपणे मद्य विक्री करण्यात येत असते. मद्य पिण्यासाठी आणि मद्यापार्टीसाठी देखील परवाना आवश्यक असतो. यासाठी राज्य शुल्क उत्पादन विभागाकडून एकदिवसीय परवाना दिला जातो. असे असतानाही बहुतांश नागरिक परवाना काढत नाहीत. यावर्षी नवीन वर्षाच्या स्वागत पार्टी साठी पालघर जिल्ह्यात केवळ २८ जणांनी मद्य परवाना घेतला असल्याची माहिती राज्य शुल्क उत्पादन विभागाने दिली आहे.

Dombivli crime news
डोंबिवली, कल्याणमध्ये १२ लाखाच्या अंमली पदार्थांसह १९ जणांना अटक, अंमली पदार्थाचे अड्डे उद्ध्वस्त
pandit hridaynath Mangeshkar
हृदयनाथ मंगेशकर आकाशवाणीच्या नोकरीत खरंच होते का? कधी?
MHADA to release 629 houses in Mumbai Mandal on February 16 mumbai news
पत्राचाळीतील घरांचा ताबा; म्हाडाच्या मुंबई मंडळातील ६२९ घरांसाठी १६ फेब्रुवारीला सोडत
group of friends arranged birthday party for street dog
चर्चा तर होणारच! श्वान लूडोचा ‘असा’ साजरा केला वाढदिवस; VIDEO पाहून नेटकऱ्यांनी तरुण मंडळींचे केले कौतुक
MHADA housing lottery draw by Minister Eknath Shinde hands
‘म्हाडा’ कोकण मंडळ सोडत : २२६४ पैकी केवळ १२३९ घरांचीच विक्री
Loksatta Varshavedh special issue issue released by chief minister devendra fadnavis
मान्यवरांच्या उपस्थितीत प्रकाशन सोहळ्याला रंगत; ‘लोकसत्ता वर्षवेध’चे मुख्यमंत्र्यांच्या हस्ते प्रकाशन
Man dance for wife on 25th anniversary
“जेव्हा तुम्ही योग्य व्यक्तीच्या प्रेमात…” २५ व्या वाढदिवसानिमित्त ‘त्यांनी’ केला बायकोसाठी जबरदस्त डान्स; VIDEO पाहून नेटकरी फिदा
Amrut Snan on Vasant Panchami
Mahakumbh Mela 2025 : मौनी अमावस्येच्या चेंगराचेंगरीनंतर वसंत पंचमीसाठी उत्तर प्रदेश सरकारची चोख व्यवस्था; ‘एवढ्या’ कोटी भाविकांचं अमृतस्नान!

हेही वाचा >>> विवळवेढे उड्डाणपुलावर भीषण अपघात ; टँकर मधून रसायन गळती

पालघर जिल्हयातील सर्व अधिकृत सर्व किरकोळ देशी विदेशी विक्रीत्यांना २ आणि ५ रुपयांचे एक दिवसीय परवाने देण्यात आले आहेत. नववर्षाचे स्वागत आपण शासनाचे अधिकृत परवाना धारक असलेले परमिटरुम वार येथे साजरा करावा असे आवाहन राज्य उत्पादन शुल्क विभागाने केले आहे. परवाना नसताना मद्य विक्री केल्यास महाराष्ट्र दारूबंदी अधिनियमाच कलम ६९ नुसार तर विनापरवाना सार्वजनिक ठिकाणी मद्य पिल्यास कलम ८४ अन्वये कारवाई केली जाणार असल्याचे राज्य उत्पादन शुल्क विभागाने केले आहे. यासाठी पथके नियुक्त करण्यात आली आहेत.

हेही वाचा >>> पालघर : आदिवासी बालिकेवर विनयभंग, ५४ वर्षीय इसमावर पॉक्सो

रिसॉर्ट मध्ये बेकायदेशीर मद्य वसई विरारसह पालघरच्या किनारपट्टीवर शेकडो रिसॉर्ट आहेत. त्यांना मद्य विक्रीचे परवाने नाहीत. त्यामुळे त्यांनी ३१ डिसेंबरच्या मेजवान्यांसाठी एक दिवसीय मद्य परवाना काढणे आवश्यक आहे. २५ हजार रुपये भरून हा परवाना काढला जातो. मात्र बहुतांश रिसॉर्ट चालकांनी मद्य परवाना काढलेला नाही. त्यामुळे अशा रिसॉर्ट मधील मेजवान्यांवर राज्य उत्पादन शुल्क विभाग कारवाई करणार का? असा प्रश्न उपस्थित झाला आहे.

Story img Loader