वसई: अडीच वर्षात सहा हजार वीज चोऱ्या ५० कोटींची वीज चोरी

मागील काही वर्षापासून शहराचे नागरीकरण वाढत आहे तर दुसरीकडे औद्योगिक क्षेत्र ही विस्तारत आहे. त्यामुळे वीज ग्राहकांची संख्या वाढत आहे. मात्र काही ठिकाणी अद्यापही छुप्या मार्गाने वीज चोरी करण्याचे प्रकार सुरूच आहेत.वीज मीटरच्या वाहिन्यांमध्ये फेरफार करणे, आकडे टाकणे,  मुख्य वीज जोडणीच्या सर्व्हिस वाहिनीला टॅपिंग करणे अशा विविध प्रकारच्या, रिमोट कंट्रोल अशा विविध क्लुप्त्या लढवून वीज चोरी होते. विशेषतः शहरात वाढणाऱ्या अनधिकृत चाळी अशा भागातही वीज चोरी होण्याचे प्रमाण अधिक आहे.याचा फटका सर्वसामान्य नागरिकांसह महावितरणला बसून लागला आहे. या वीज चोरीमुळे महावितरणचा आर्थिक तोटा होऊ लागला आहे.वीज चोरी रोखण्यासाठी महावितरणकडून भरारी पथके, विशेष मोहिमा हाती घेऊन कारवाया केल्या जात आहेत.मागील अडीच वर्षात एप्रिल २०२२ ते ऑगस्ट २०२४ या दरम्यान ६ हजार ३१९ ठिकाणी वीज चोरांच्या विरोधात कारवाई करण्यात आली आहे.  या वीज चोरट्यांनी महावितरणची ५० कोटी ३९ लाख रुपयांची वीज चोरी केली होती. यातील सर्वाधिक वीज चोर हे नालासोपारा पूर्वेच्या भागातील १४७७ व वसई पूर्वेच्या भागातील १२९१ या भागातील आहेत.

आणखी वाचा

पुणे : सणासुदीत वाहन चोरट्यांचा उच्छाद, ११ दुचाकी, दोन रिक्षांची चोरी

विश्लेषण: जगातील सर्वांत मोठी ॲमेझॉन नदी पडतेय कोरडीठाक……

गुन्हेगारीत महिलांचा टक्का वाढतोय, काय आहेत कारणे?

दादरमधील महिलेची पावणेसहा कोटींची सायबर फसवणूक,सायबर पोलिसांनी आरोपीला पुण्यातून केली अटक

मुनगंटीवार म्हणतात, जंगलातील वाघांना स्थलांतरित करा..

कल्याणमधील १६५ रस्ते बाधितांमधील पाच लाभार्थींना मिळाली २४ वर्षांनी घरे

नौदल अधिकाऱ्याची २२ लाखांची सायबर फसवणूक, सांताक्रुझ येथील आरोपीला अटक

साडेसात वर्षांत कळवा-ऐरोली उन्नत प्रकल्पाचे केवळ ४६ टक्केच काम; भूसंपादन, पुनर्वसन प्रक्रियेतील संथगतीचा फटका

हेही वाचा >>>वसई: लिफ्ट मध्ये चिमुकलीचा विनयभंग, कचरावेचकाला अटक

त्यांच्यावर वीज कायदा कलम १३५ नुसार कारवाई केली असल्याचे महावितरणने सांगितले आहे. वीज चोरीमुळे वीज तोटा अधिक प्रमाणात सहन करावा लागत आहे. वीज गळती होण्याच्या प्रकारात वीज चोरीचे प्रमाण अधिक आहे. त्यासाठी सर्वाधिक कारवाया या वीज चोरांवर करून वीज गळती नियंत्रणात आणण्याचे प्रयत्न सुरू असल्याचे महावितरणचे अधिक्षक अभियंता संजय खंडारे यांनी सांगितले आहे.

हेही वाचा >>>मिरा भाईंदर शहरात आढळली ९ तीव्र कुपोषित बालके, संख्या १७ वर

विभाग निहाय वीज चोरी आकडेवारी

वसई विभाग

वीजचोर- २९७८

रक्कम- २५ कोटी ९७ लाख

विरार विभाग

वीजचोर- ३३४१

रक्कम- २४ कोटी ४३ लाख

संगनमताने वीज चोरी

वसई विरार शहरात मोठ्या प्रमाणात वीज चोरी होत असल्याचे प्रकार घडतात. मात्र प्रत्येक भागात वीज समस्या निवारण करण्यासाठी अधिकारी व कर्मचारी नियुक्त केले आहेत. त्यांना याबाबत माहिती का मिळत नाही असा प्रश्न नागरिकांनी उपस्थित केला आहे. काही कर्मचारी यांच्या संगनमताने  वीज चोरीचे प्रकार घडत असल्याचा आरोप नागरिकांनी केला आहे. महावितरणच्या वरिष्ठ अधिकाऱ्यांनी बेकायदेशीर वीज जोडण्या देणारे कर्मचारी व वीज चोरीला सहकार्य करणारे कर्मचारी यांच्यावरही कारवाई करावी अशी मागणी करण्यात येत आहे.