वसईत अघोरी कृत्याचा संशय; भारोळ गावात सापडले पूजेचे साहित्य; पानावर लिहलेल्या नावामुळे उडाली खळबळ

पानावर लिहिलेल्या ‘त्या’ नावामुळे खळबळ

पुलाजवळ एका लाल रंगाच्या कपड्यावर ठेवलेल्या टोपलीत काळा दोरा, हार-फुले आणि अघोरी पूजेचे विविध साहित्य ठेवण्यात आले होते. या साहित्यात सापडलेल्या एका वाळलेल्या पानावर ‘कुणाल किशोर वाघेला’ असे नाव स्पष्ट अक्षरात लिहिलेले दिसून आले. एका पानावर नाव लिहून अशा प्रकारे अघोरी पूजा करण्यामागचा नेमका उद्देश काय, हे नाव कोणाचे आहे आणि त्याचा या साहित्याशी काय संबंध आहे, याबाबत नागरिकांमध्ये विविध तर्क-वितर्क लावले जात आहेत.

या धक्कादायक घटनेमुळे भारोळ आणि आसपासच्या ग्रामस्थांमध्ये भीतीचे सावट पसरले असून, अशा प्रकारच्या अंधश्रद्धेच्या कृत्यांचा वेळीच बीमोड करावा आणि पोलीस प्रशासनाने यामागचे सत्य लवकरात लवकर समोर आणावे, अशी मागणी स्थानिकांकडून केली जात आहे. भारोळ गावच्या हद्दीत सापडलेल्या या पूजेच्या साहित्याबाबत माहिती मिळाली असून याचा तपास सुरू असल्याचे मांडवी पोलिसांनी सांगितले.