पालिकेच्या ताफ्यात आधुनिक ‘हायड्रोलिक’ शिडी असणारी वाहने

वसई-विरार महापालिकेने एकापाठोपाठ एक अशी अत्याधुनिक वाहने खरेदी करण्याचा सपाटा लावला आहे.

वसई : वसई-विरार महापालिकेने एकापाठोपाठ एक अशी अत्याधुनिक वाहने खरेदी करण्याचा सपाटा लावला आहे. विद्युत विभागात दुरुस्ती-देखभाल करण्यासाठी वाहने अपुरी पडत असल्याने आणखी तीन हायड्रोलिक शिडी असलेली वाहने घेण्यात येणार असून यातील एक वाहन  दाखल झाले आहे.

वसई-विरार महापालिकेच्या दिवाबत्ती विभागाकडून पालिका कार्यक्षेत्रात रस्त्यावरील उद्यान, तलाव, मैदान, स्मशानभूमी इत्यादी ठिकाणी दिवे लावून त्याची दैनंदिन दुरुस्ती प्रभागनिहाय करण्यात येते. महानगरपालिका कार्यक्षेत्रात ग्रामीण  व अंतर्गत भागातील विद्युत देखभाल-दुरुस्तीची कामे करण्याकरिता सध्या ५ हायड्रोलिक लॅडर वाहने होती. मात्र कार्यक्षेत्राच्या अनुषंगाने ही वाहने अपुरी पडत होती. याच अनुषंगाने वाहन विभागामार्फत ३ हायड्रोलिक लॅडर वाहने खरेदी करण्याबाबत ई-निविदा प्रक्रिया करून २ ऑगस्ट रोजी ११ मीटर उंचीचे एक वाहन घेण्यात आले आहे. उर्वरित दोन वाहने लवकरच घेण्यात येणार असल्याची माहिती पालिकेकडून देण्यात आली आहे.

वाहनांची वैशिष्टय़े म्हणजे या युटिलिटी वाहनांवर हायड्रोलिक लॅडर बसविण्यात आले असल्याने त्यास लागणारे इंधन व देखभाल-दुरुस्तीच्या खर्चात पालिकेची आर्थिक बचत होणार आहे. त्याचप्रमाणे वाहनाचा आकार कमी असल्याने सदर वाहन कमीत कमी जागेच्या ठिकाणी जाऊन शहराच्या ग्रामीण व अंतर्गत भागातील दिवाबत्ती देखभाल-दुरुस्तीची कामे करण्यास मदत होणार आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व वसई विरार बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Vehicles with modern hydraulic ladder municipal fleet ssh

Next Story
video : रक्तस्त्राव ‘तिला’ रोखू शकत नाही !