दसरा… गृहस्वप्न साकार करण्याची योग्य वेळ!

विशेष म्हणजे दसऱ्याच्या मुहूर्तावर विकासक गृह खरेदीवर चांगली सवलत आणि आकर्षक ऑफर्स उपलब्ध करून देतात.

|| संदीप धुरत

घर खरेदी करणे हा एक भावनिक निर्णय आहे आणि लोक नवीन प्रारंभासाठी एखाद्या शुभ प्रसंगाची वाट पाहणे पसंत करतात. घरांच्या वाढत्या मागणीमुळे यंदा गृह खरेदी आश्वासक आणि उत्तम राहील असे अंदाज आहेत.

घर खरेदी करण्यासाठी किंवा नवीन प्रकल्प/ कार्यक्रम सुरू करण्यासाठी दसरा हा सर्वात शुभ दिवस मानला जातो. साधारणपणे, फ्लॅट्सचे बुकिंग याच सुमारास सुरू होते आणि दिवाळीपर्यंत चालू राहते. अनेक घरखरेदीदारांनाही असा विश्वास वाटतो की दसऱ्याच्या शुभ मुहूर्तावर घर अथवा वास्तू खरेदी केल्याने सुख, समाधान आणि समृद्धी येते.

दसऱ्याच्या दिवशी नवीन गुंतवणुकीचा विचार करण्यासाठी विश्वासांद्वारे आधारलेली कारणे अशी आहेत:

१. दसरा (किंवा विजयादशमी) हा एक शुभ दिवस आहे. या दिवशी चांगल्या कामाला सुरुवात करण्याची प्रथा आहे.

२. या दिवशी नवीन प्रकल्पात गुंतवणूक करणे किंवा मालमत्ता घेणे हे भाग्याचे मानले जाते

३. असे मानले जाते की ते ‘विजय’ म्हणजेच विजय आणते, अशा प्रकारे मालमत्ता खरेदी करून किंवा नवीन व्यवसाय सुरू करून नवीन गुंतवणूक करणे अनुकूल मानले जाते, कारण या दिवशी दीर्घकालीन खरेदी केल्यास संपत्ती आणि आनंद वाढण्याचा समज आहे.

४. नवीन प्रकल्प आणि गुंतवणूक सुरू करण्यासाठी हे पवित्र मानले जाते, कारण या समृद्ध दिवशी प्रारंभ केल्यास परिणाम अनुकूल आणि सकारात्मक अपेक्षित असतात.

 विशेष म्हणजे दसऱ्याच्या मुहूर्तावर विकासक गृह खरेदीवर चांगली सवलत आणि आकर्षक ऑफर्स उपलब्ध करून देतात.

मागील दीड वर्षांपासून असलेला कसोटीचा करोनाकाळ आणि त्यानंतर उद्योग क्षेत्राला आलेली मरगळ यामधून दसरा सण यंदा आशादायक ठरणार यामध्ये शंका नाही. जनजीवन पूर्वपदावर येण्याचे आणि आर्थिक घडी पुन्हा सुव्यवस्थित होण्याचे ते चिन्ह असेल.

रिअल इस्टेटमध्ये गुंतवणूक करण्याची ही योग्य वेळ आहे. गेल्या काही वर्षांमध्ये घट आणि जास्त विक्री न झालेल्या घरांच्यासंख्येमुळे खरेदीदारांसाठी ठराविक कालावधीत नवीन प्रकल्प येण्याची वाट न पाहता, रेडी-टू-मूव्ह फ्लॅटमध्ये गुंतवणूक करणे हा एक चांगला पर्याय आहे. रेराने वेळेवर वितरण, प्रकल्पाची पारदर्शकता आणि उत्तरदायित्व यावर आश्वासन दिल्याप्रमाणे, या क्षेत्रामध्ये आधीच खूप सकारात्मकता दिसून येत आहे. प्रकल्पाशी संबंधित सर्व माहिती प्रकल्पाच्या सध्याच्या टप्प्यापासून,विकासकाद्वारे घेतलेल्या किंवा प्रलंबित परवानग्या इत्यादी सार्वजनिक माहितीसाठी  उपलब्ध असतात. याद्वारे जे ग्राहक त्यांचे कष्टाचे पैसे रिअल इस्टेटमध्ये गुंतवतात, त्यांना सुरक्षितता प्राप्त होते.

भारतीय रिअल इस्टेटमधील मालमत्ता बाजाराची इको सिस्टीम आता बरीच चांगली आहे. कारण अर्थव्यवस्था आता सुधारण्याचे संकेत दर्शवित आहे, ज्यामुळे खरेदीदार नवीन घर खरेदीसाठी प्रवृत्त होतील. सध्या उपलब्ध असलेल्या मालमत्तांच्या दृष्टिकोनातून, डेव्हलपर्स दर्जेदार प्रकल्प आणत आहेत, ज्यामुळे ग्राहकांचे गृहस्वप्न नक्कीच पूर्ण होईल. या दरम्यान विकासकांनी उत्तम प्रकारे आपल्या प्रकल्पांचे मार्केटिंग करणे अतिशय आवश्यक आहे. तसेच एखादी जाहिरात प्रसिद्ध करताना त्यामध्ये काही उणीव किंवा चूक नाही हे पाहणे खूप गरजेचे आहे. कारण तसे असेल तर ग्राहक आकर्षित होण्यापेक्षा दूर जाण्याची शक्यता अधिक.

या सणासुदीच्या मोसमाला भारतात खूप महत्त्व आहे आणि हा काळ बाजारात मोठ्या प्रमाणात आर्थिक व्यवहारांचे योगदान देतो . घर खरेदी करणे हा एक भावनिक निर्णय आहे आणि लोक नवीन प्रारंभासाठी एखाद्या शुभ प्रसंगाची वाट पाहणे पसंत करतात. घरांच्या वाढत्या मागणीमुळे यंदा गृह खरेदी आश्वासक आणि उत्तम राहील असे अंदाज आहेत. सणासुदीच्या काळात मालमत्तेच्या बाजारपेठेत एक उजळ बाजू दिसेल कारण किंमतीदेखील काही काळापासून स्थिर आहेत, ज्यामुळे खरेदीदारांना त्यांच्या गुंतवणूकीचे नियोजन करण्यासाठी चांगला कालावधी मिळतो. आजची बाजारपेठ खरेदीदारांसाठी खूप स्थिर आहे, पर्याय उपलब्ध आहेत, ज्यामुळे घरात गुंतवणूक करण्याची ही चांगली वेळ आहे.

gadrekaka@gmail.com

(लेखक हे स्थावर मालमत्ता विशारद आहेत)

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व वास्तुरंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Author sandeep dhurat article right time to make a home dream come true akp