सँडपेपर गेटचं भूत ऑस्ट्रेलियाच्या मानगुटीवरून उतरणार का? ८ वर्षांनंतर आफ्रिकेच्या दौऱ्यावर

२०१८ मध्ये ऑस्ट्रेलियाचा संघ दक्षिण आफ्रिका दौऱ्यावर होता. केपटाऊन टेस्टदरम्यान ऑस्ट्रेलियाचा कॅमेरुन बॅनक्रॉफ्ट चेंडूवर सँडपेपर घासताना आढळला होता. जर्सी वगळता बाह्य गोष्टीने चेंडू कुरतडणे अथवा त्याची स्थिती बदलणे नियमबाह्य असल्याने पंचांनी खेळ थांबवला. चेंडू बदलला. क्रिकेट ऑस्ट्रेलियाने याप्रकरणाची दखल घेत कर्णधार स्टीव्हन स्मिथ आणि उपकर्णधार डेव्हिड वॉर्नरवर वर्षभराची बंदी घातली. कॅमेरुन बॅनक्रॉफ्टवर ९ महिन्यांची बंदी घातली. या तिघांनी वैयक्तिक पत्रकार परिषद घेत चाहत्यांची माफी मागितली.