नाटकावर विनाअट प्रेम करणारे असेपर्यंत नाटक जिवंत राहील – नसरुद्दीन शाह

रूपवेध प्रतिष्ठानतर्फे ज्येष्ठ दिग्दर्शक गोविंद निहलानी यांच्या हस्ते नसीरुद्दीन शाह यांना तन्वीर सन्मानाने पुण्यात गौरविण्यात आले. यावेळी शाह यांनी नाट्यक्षेत्राबाबत आपली भुमिका स्पष्ट केली. नाट्यक्षेत्राची प्रकृती ठणठणीत असून जोपर्यंत नाटकावर विनाअट प्रेम करणारे लोक जोपर्यंत आहेत तोपर्यंत नाटक जिवंत राहिल असे ते यावेळी म्हणाले. यावेळी प्रायोगिक रंगभूमी चळवळीतील महाराष्ट्र कल्चरल सेंटरला ‘नाटय़धर्मी पुरस्कार’ प्रदान करण्यात आला.