भरत जाधव म्हणतोय ‘आता माझी हटली’

बॉलिवूडमध्ये ‘आता माझी सटकली’ असं ऐकलं होतं. त्यानंतर आता मराठीत ‘आता माझी हटली’ हे ऐकायला आणि पाहायला मिळणार आहे. ‘आता माझी हटली’ हा अभिनेता भरत जाधवचा आगामी मराठी चित्रपट आहे. “आता माझी हटली” या चित्रपटातून हास्याचा धुमाकूळ घालायला विनोदी कलाकार भरत जाधव आपल्या भेटीला येत आहे. या चित्रपटात प्रेमकथा आणि कौटुंबिक विषय हाताळण्यात आला आहे. भरत जाधव व्यतिरीक्त रुचीता जाधव, डॉ. विलास उजवणे, हर्षा गुप्ते, विजय गोखले यांच्याही चित्रपटात भूमिका आहेत. शालीन आर्ट प्रॉडक्शन व श्री जगन्नाथ एंटरटेनमेंट, वासू फिल्म्स ग्लोबल प्रस्तुत आणि महेंद्र देवळेकर दिग्दर्शित हा चित्रपट लवकरच तुमच्या भेटीला येणार आहे.