सुपरस्टार अभिनेता रजनीकांतची प्रमुख भूमिका असलेल्या ‘कबाली’ला मुंबईतील प्रेक्षकांनी डोक्यावर घेतले आहे. माटुंग्यातील अरोरा टॉकीजमध्ये या चित्रपटाच्या सकाळी सहा वाजता झालेल्या पहिल्या शोला इतिहासात पहिल्यांदाच हाऊसफुल्ल गर्दी होती. एवढंच नाहीतर अनेक प्रेक्षकांनी पडद्यावर रजनीकांत दिसताक्षणीच स्वतःकडील पाचशे रुपयांच्या नोटा पडद्यावर उधळल्याचे प्रत्यक्षदर्शीनी सांगितले.