बलात्कार करणाऱ्या संशयितावर कारवाईस दिरंगाई झाल्यामुळे पीडितेने आत्महत्या केल्यानंतर सोमवारी पोलिसांची चक्रे वेगाने फिरली आणि आरोपीसह त्याच्या आई-वडिलांना अटक करण्यात आली. न्यायालयाने आरोपी अमित कुरणे त्याचे वडील अण्णासाहेब कुरणे आणि आई सुनीता यांना १२ दिवसांची पोलीस कोठडी सुनावली. दरम्यान, अमित कुरणे याला शनिवारी मिरजेतील पोलीस ठाण्यात आणताना काही संतप्त महिलांनी त्याला मारहाणही केली.