News Flash

श्री श्री रविशंकर यांच्या सोहळ्यामुळे यमुनेच्या पूरप्रवण क्षेत्राची गंभीर हानी


आर्ट ऑफ लिव्हिंगचे संस्थापक श्री श्री रविशंकर यमुना नदीकाठी आयोजित करण्यात आलेल्या सांस्कृतिक महोत्सवाच्या प्रकरणामुळे पुन्हा एकदा अडचणीत येण्याची शक्यता आहे. अध्यात्मिक गुरू श्री श्री रविशंकर यांच्या ‘वर्ल्ड कल्चरल फेस्टिव्हल’ या सांस्कृतिक महासोहळ्याच्या आयोजनामुळे यमुनेच्या पूरप्रवण क्षेत्राची गंभीर हानी झाल्याचे स्पष्ट झाले आहे. राष्ट्रीय हरित लवादाने नेमलेल्या तज्ज्ञ समितीकडून अहवालात ही बाब नमूद करण्यात आली आहे. या अहवालानुसार सोहळ्यासाठी वापरण्यात आलेले यमुनेचे पूरप्रवण क्षेत्र पूर्णपणे उद्ध्वस्त झाले. यामुळे जैवविविधतेचे अदृश्य नुकसान झाले असून ही हानी कधीही भरून न येणारी असल्याचे या अहवालात म्हटले आहे. सात तज्ज्ञ व्यक्तींचा समावेश असलेला हा अहवाला २८ जुलै रोजी राष्ट्रीय हरित लवादाकडे सुपूर्द करण्यात आला होता.

आणखी काही व्हिडिओ
Just Now!
X