‘एक्स्प्रेस वे’ला आता गळती, सिमेंट रस्त्यामधून वाहतंय पाणी!

मुंबई आणि पुणे या दोन्ही महानगरांना जोडणाऱ्या द्रुतगती मार्गावर आता चक्क गळती लागली असून, रस्त्यामधून पाण्याचा प्रवाह वाहत असल्याचे आढळून आले आहे. सिमेंटच्या रस्त्याला तडे जाऊन त्यातून पाणी वाहू लागल्याचा प्रकार समोर आला. हा प्रकार बघितल्यावर या रस्त्याचे काम निकृष्ट दर्जाचे असल्याची चर्चा सुरू झाली आहे. या रस्त्याची देखभाल करणाऱ्या आयआरबीकडून घटनास्थळी तात्पुरती डागडुजी करण्यात आली आहे.