दलित आणि मुस्लिम विरोधासाठी संघाकडून शस्त्रपूजन, प्रकाश आंबेडकरांचा आरोप

राष्ट्रीय स्वंयसेवक संघाकडून दलित आणि मुसलमानांविरोधासाठी दसऱ्याला शस्त्रांची पूजा केली जाते, अशी टीका भारिप बहुजन महासंघाचे अध्यक्ष प्रकाश आंबेडकर यांनी केली. राजकोट येथे राष्ट्रीय दलित अधिकारांसाठी आयोजित सभेत ते बोलत होते. या वेळी आंबेडकर यांनी संघाच्या भूमिकेबाबत काही प्रश्न उपस्थित केले. दलितांनाही हिंदू मंदिरात न जाण्याचा सल्ला दिला. तसेच देशातल्या विविध भगव्या संघटना या मनुवादाला प्रोत्साहन देत असल्याचा आरोप त्यांनी केला.