एकेकाळी एकमेकांच्या खांद्याला खांदा लावून काम करणारे ज्येष्ठ समाजसेवक अण्णा हजारे आणि दिल्लीचे मुख्यमंत्री अरविंद केजरीवाल यांच्यातील अंतर दिवसेंदिवस रुंदावत चालले आहे. अरविंद केजरीवाल यांच्याकडून मला खूप अपेक्षा होत्या. पण त्यांनी अपेक्षाभंग केल्यामुळे मला तीव्र दुःख झाले असल्याचे अण्णा हजारे यांनी म्हटले आहे. आम आदमी पक्षाचे नेते आणि पदावरून हकालपट्टी करण्यात आलेले माजी मंत्री संदीप कुमार यांच्यावरील आरोपांच्या पार्श्वभूमीवर अण्णा हजारे यांनी ही भावना व्यक्त केली.