नवरात्रीच्या काळात ‘डॉमिनोज’ देणार फक्त शाकाहारी पिझ्झा!

नवरात्रीच्या काळात ‘डॉमिनोज’ या पिझ्झा विक्री क्षेत्रातील आंतरराष्ट्रीय कंपनीने आपल्या ५०० दुकानांमधून केवळ शाकाहारी पिझ्झाच देण्याचा निर्णय घेतला आहे. ‘इकॉनॉमिक टाइम्स’ने या संबंधीचे वृत्त दिले आहे. नवरात्रीच्या काळात अनेक लोक मांसाहारी पदार्थांचे सेवन करत नाही. त्याचबरोबर अनेक लोक या काळात उपवास करतात, या सगळ्याचा विचार करून आणि भारतीय ग्राहकांचे लक्ष वेधून घेण्याच्या हेतून कंपनीने हा निर्णय घेतला असल्याचे समजते.