कर्णबधिरपणावर मात करत पुण्यातील स्वप्निल मेहेंदळे आणि त्यांच्या पत्नी सुरभी मेहेंदळे हे दाम्पत्य आनंदी जीवन जगत आहेत. स्वप्निलला लहानपणापासूनच चित्रकलेची आवड होती. आता याच कलेला जोपासत तो त्याच्या कुटुंबाची उपजिवीका भागवतो आहे. बाजारातून कुंड्या विकत आणुन त्यांना रंगवून तो त्या विकतो आहे. १ कुंडी किमान २५० रुपये दराने विक्री होत आहे. या कुंड्यांवर त्याने फुलं, कार्टुन, छत्र्या आदी विविध प्रकारची कलाकुसर केली आहे. स्वप्निल वॉल पेंटींग देखील उत्तम जमते, याची देखील तो कामं करतो. दिवाळीच्या काळात तो वारली पेटींग केलेले कंदील बनवून विकतो. या सगळ्या वस्तूंना पुणेकर देखील चांगली पसंती देत असल्याचं स्वप्निल सांगतो.