मराठवाडा जनविकास संघाकडून गरजूंना चटणी-भाकरीचे वाटप

देशभरासह राज्यात दिवसेंदिवस करोना विषाणूचा प्रादुर्भाव वाढत आहे. या पार्श्वभूमीवर पंतप्रधान मोदींनी देशभरात 14 एप्रिल पर्यंत लॉक डाऊनची घोषणा केली आहे. यामुळे आपली गावं सोडून मोठ मोठाल्या शहरांमध्ये रोजगारसाठी व पोटाची खळगी भरण्यासाठी आलेल्यांची अन्न, पाण्याबरोबरच निवाऱ्याची अडचण झाल्याचे दिसून येत आहे. पिंपरी-चिंचवड भागातील अशा बेघरांना व गरजू नागरिकांना मराठवाडा जनविकास संघाकडून चटणी-भाकरीचे वाटप केले जात आहे.