पिंपरी चिंचवड पोलिसांचं १५ वर्षीय मुलाला सरप्राईज; वाढदिवस केला साजरा

सध्या लॉकडाउन असल्याने अनेक जण परदेशात अडकलेले आहेत. राजीव लोचन हे देखील अमेरिकेत अडकले असून आज त्यांचा मुलगा वत्सल्यचा काल वाढदिवस होता. मात्र, ते अमेरिकेमध्ये असल्याने पिंपरी-चिंचवडमध्ये येणं त्यांना शक्य नव्हतं. त्यामुळे त्यांनी थेट पिंपरी-चिंचवडच्या पोलीस आयुक्तांशी ई-मेलद्वारे संपर्क साधत मुलाचा वाढदिवस असल्याचं सांगितलं. त्यानंतर संध्याकाळी त्यांचा मुलगा राहत असलेल्या ठिकाणी अचानक जाऊन सांगवी पोलिसांनी त्याला सुखद धक्का दिला आणि उत्साहात त्याचा वाढदिवस साजरा केला.