करोनाशी लढणाऱ्या डॉक्टर्स, आरोग्य सेवकांना सैन्याची मानवंदना

देशभरात सैन्य दलांच्यावतीनं रविवारी करोनाच्या युद्धाचा थेट सामना करणाऱ्या डॉक्टर्स आणि आरोग्य सेवकांप्रती अनोख्या पद्धतीनं कृतज्ञता व्यक्त करण्यात आली. यावेळी सर्व महत्वाच्या रुग्णालयांवर हवाई दलाच्या हेलिकॉप्टर्सनं फुलांच्या पाकळ्यांचा वर्षाव केला. तर लष्करानं काही रुग्णालयांच्यासमोर बँड वाजवून मानवंदना दिली.