हरिहरेश्वरऐवजी अलिबागकडे चक्रीवादळाचा प्रवास सुरु; प्रशासन सज्ज

वेधशाळेच्या सुधारीत अंदाजानुसार अरबी समुद्रात निर्माण झालेल्या कमी दाबाचे क्षेत्राची तीव्रता वाढली असून दुपारी त्याचे रूपांतर चक्रीवादळात होईल. दरम्यान, हे निसर्ग चक्रीवादळ अलिबागच्या दिशेने सरकत आहे. सुरवातीला हे वादळ हरिहरेश्वर जवळ धडकण्याची शक्यता वर्तवण्यात आली होती. मात्र, संध्याकाळपर्यंत यातही बदल होऊन ते अलिबागच्या किनाऱ्यावर धडकण्याची शक्यता आहे. रायगडच्या जिल्हाधिकारी निधी चौधरी यांनी वेधशाळेच्या हवाल्याने याबाबत माहिती दिली आहे.