राज्यात मान्सून सर्वदूर व्यापला असून पुढील पाच दिवसांत राज्यभर पावसाला सुरुवात होईल. १५-१६ जून रोजी मुंबई आणि कोकणात मुसळधार पावसाचा इशारा पुणे वेधशाळेने दिला आहे. राज्यात आज मान्सूनचे आगमन झाले. मात्र, नंदुरबार जिल्ह्यात काही कारणास्तव अद्याप मान्सून पोहोचला नाही. पुणे शहर आणि जिल्ह्यात पुढील पाच दिवस काही ठिकाणी मध्यम, तर काही ठिकाणी जोरदार स्वरूपाचा पाऊस पडण्याची शक्यता आहे. तसेच पुणे जिल्ह्याच्या घाट क्षेत्रात पुढील ४८ तासांत जोरदार पाऊस होणार आहे. त्यामुळे तेथील भागातील नागरिकांनी सतर्क राहण्याचे आवाहन करण्यात आले आहे.