पुणे : एमबीए झालेल्या तरुणीचं आदर्शवत पाऊल

मागील चार महिन्यापासून करोना विषाणूमुळे बाजारपेठ ठप्प झाल्याने, लाखो लोकांच्या हाताला काम नाही. तर अनेकांच्या हाताचा रोजगार देखील गेला आहे. त्याच दरम्यान काही दिवसापूर्वी एक आवड म्हणून, बेकरी प्रोडक्टचा कोर्स पुण्यातील उच्चशिक्षित प्रिया राजेश शिरसकर या तरुणीने केला होता. हाच कोर्स लॉकडाउनच्या काळात घरातील आर्थिक परिस्थिती सांभाळण्यासाठी फायदेशीर ठरला असून तिने आजअखेर 150 हून अधिक केकची विक्री केली आहे. तिने आपल्या छोट्याशा घरातून एवढ्या कठीण काळात सुरू केलेल्या, व्यवसायाचे परिसरातील नागरिकांकडून कौतुक होत आहे.