रुग्णालयातून पलायन केलेली करोनाबाधित महिला पुन्हा ताब्यात

करोनाबाधित महिलेने एका खासगी रुग्णालयातून पलायन केले होते. तिचा शोध घेऊन तिला पुन्हा दीड तासात पकडून रुग्णालयात दाखल करण्यात आले आहे. संबंधित महिला ही पीपीई किट घातलेल्या कर्मचाऱ्यांना जवळ येऊ देत नव्हती. पकडणाऱ्यांना दूर करण्यासाठी तिने हातात लोखंडी सळई घेतली होती. मात्र, अथक प्रयत्नानंतर तिला पुन्हा ताब्यात घेण्यात आरोग्य कर्मचाऱ्यांना यश आले. मावळ परिसरात बुधवारी ही घटना घडली