मराठा आरक्षणप्रश्नी शिवसंग्राम पक्षाचे नेते आमदार विनायक मेटे यांच्या नेतृत्वाखाली मराठा आरक्षण समन्वय समितीच्यावतीनं रविवारी पुण्यात जागरण गोंधळ आंदोलन करण्यात आलं. बालगंधर्व रंगमंदिराजवळ झाशीची राणी चौकात हे आंदोलन करण्यात आलं. अशोक चव्हाण यांना मराठा आरक्षण उपसमितीच्या अध्यक्ष पदावरून हटवावे अशी मागणी यावेळी करण्यात आली. तसेच यापुढं मुख्यमंत्री, उपमुख्यमंत्री आणि अशोक चव्हाण जिथं जिथं जातील तिथं आंदोलन करणार असल्याचा इशारा मेटे यांनी दिला.