राज्यातील कोविड सेंटरमध्ये महिल्या अत्याचाराच्या अनेक घटना समोर आल्या आहेत. या रोखण्याकरीता सेंटरसाठी एसओपी तयार करण्याची मागणी आम्ही केली होती. मात्र, त्याकडे सरकारने दुर्लक्ष केले आहे, असा आरोप भाजपा प्रदेशाध्यक्ष चंद्रकांत पाटील यांनी केला आहे. यासाठीच भाजपा राज्यात ठिकठिकाणी रस्त्यावर उतरल्याचे त्यांनी सांगितले. पाटील यांच्या नेतृत्वाखाली पुणे जिल्हाधिकारी कार्यालयाबाहेर आंदेलन करण्यात आले.