भ्रष्टाचार हा तर यंत्रणेचाच भाग!; पोलीस महासंचालकांचे वक्तव्य

पोलीस दलातील कर्मचारी व अधिकाऱ्यांची संख्या इतर विभागांच्या तुलनेत खूप आहे. त्यामुळे भ्रष्टाचाराच्या प्रकरणात अडकणाऱ्यांमध्ये पोलीस कर्मचाऱ्यांची संख्या इतर विभागाच्या तुलनेत अधिक दिसते. कर्मचाऱ्यांच्या प्रमाणात सापळ्यांचा विचार केल्यास ते प्रमाण कमी असून भ्रष्टाचार हा कोणत्याही यंत्रणेचाच भाग आहे. त्यामुळे संपूर्णपणे भ्रष्टाचार रोखणे कठीण आहे, असे धक्कादायक वक्तव्य राज्याचे पोलीस महासंचालक हेमंत नगराळे यांनी केले.