Karnataka Assembly Elections: ‘देशाची मन की बात कर्नाटकातून बाहेर पडली’; संजय राऊतांची प्रतिक्रिया

कर्नाटकमध्ये आज मतमोजणीला वेग आला आहे. सुरुवातीच्या कलांनुसार काँग्रेस आघाडीवर आहे. येत्या काही तासांतच निकाल स्पष्ट होईल. त्यामुळे काँग्रेस एकहाती सत्ता स्थापन करू शकेल, असा विश्वास काँग्रेस नेत्यांकडून व्यक्त केला जात आहे. दरम्यान, ठाकरे गटाचे खासदार संजय राऊत यांनीही काँग्रेसच सत्ता स्थापन करेल, असा मोठा दावा केला आहे. आज त्यांनी माध्यमांशी संवाद साधताना पंतप्रधान नरेंद्र मोदी आणि भाजपावरही टीकास्त्र सोडलं आहे.