Amol Kolhe: विलास लांडे भावी खासदार; अमोल कोल्हेंच्या मतदारसंघात फ्लेक्सबाजी | Bhosari
राष्ट्रवादी चे सर्वेसर्वा शरद पवार आणि अजित पवार यांचे निकटवर्तीय म्हणून ओळखले जाणारे भोसरीचे प्रथम आमदार विलास लांडे यांचा आज १ जून रोजी वाढदिवस आहे. त्यांच्या वाढदिवसानिमित्त भावी खासदार म्हणून भोसरीमध्ये फ्लेक्सबाजी करण्यात आली आहे.
एकीकडे शिरूर लोकसभा मतदारसंघात राष्ट्रवादीचेच अमोल कोल्हे हे विद्यमान खासदार आहेत, तरी देखील विलास लांडे समर्थकांनी भावी खासदार म्हणून फ्लेक्सबाजी करण्यात आली. त्यामुळे येणाऱ्या काळात राष्ट्रवादी नेमकं खासदारकीचे तिकीट कुणाला देणार यावरून तर्क-वितर्क लावले जात आहेत, सध्या तरी विलास लांडे यांनी खासदारकीसाठी शड्डू ठोकल्याचं बोललं जात आहे.