Sharad Pawar: ‘शिवरायांचं हिंदवी स्वराज्य…’; संभाजी ब्रिगेडच्या सोहळ्यात शरद पवारांचं विधान

पुण्यातील लाल महाल येथे संभाजी ब्रिगेडच्या वतीने ३५०वा शिवराज्याभिषेक सोहळा राष्ट्रवादी काँग्रेस पक्षाचे सर्वेसर्वा शरद पवार यांच्या उपस्थितीत साजरा करण्यात आला. यावेळी समाजातील विविध क्षेत्रातील मंडळींना विशेष पुरस्काराने सन्मानित करण्यात आले. यावेळी बोलताना पवार म्हणाले की, “देशात दिल्लीचे यादव, मुघल, आदिलशाह हे राजे होऊन गेले. त्यांच्या घराण्याच्या नावाने ती राज्य ओळखली गेली पण त्या सर्वांमध्ये एकच अपवाद होते, ते म्हणजे छत्रपती शिवाजी महाराज. त्यांनी कधीच भोसलेंचं राज्य केलं नाही तर छत्रपती शिवाजी महाराजांनी हिंदवी स्वराज्य, रयतेचं राज्य म्हणून ओळख दिली. हे राज्य रयतेसाठी चालवयाचं हा आदर्श छत्रपती शिवाजी महाराज यांनी संपूर्ण देशाला घालून दिला”